ଅନୁଗୁଳ – କଣ୍ଟେନରରେ ଗଞ୍ଜେଇ ଚାଲାଣ ବେଳେ ଅବକାରୀ ବିଭାଗ ହାବୁଡ଼ରେ ଧରା ପଡିଲା ଗଞ୍ଜେଇ ଭର୍ତ୍ତି କଣ୍ଟେନର । ସୂଚନା ଅନୁସାରେ ବୌଦ୍ଧ ଜିଲ୍ଲାରୁ ଭଦ୍ରକ ଗଞ୍ଜେଇ ଚୋରା ଚାଲାଣ ହେଉଥିବା ଖବର ଅବକାରୀ ବିଭାଗକୁ ମିଳିଥିଲା । ଏଥିପାଇଁ ଅବକାରୀ ବିଭାଗ ଟିମ ବେଣାଗାଡ଼ିଆ ଠାରେ ଛକି ରହିଥିଲେ । କଣ୍ଟେନରରେ ଗଞ୍ଜେଇ ଭର୍ତ୍ତି ହୋଇ ଆସୁଥିବା ବେଳେ କଣ୍ଟେନରକୁ ଅଟକାଇ ଜାଞ୍ଚ କରିଥିଲା ଅବକାରୀ ବିଭାଗ । ଜାଞ୍ଚ ବେଳେ ସେଥିରେ ପ୍ରାୟ ଏକ କୁଇଣ୍ଟାଲ ୨୪ କେଜି ଗଞ୍ଜେଇ ଜବତ ହୋଇଥିଲା । ଏହା ସହ ଗାଡିର ଚାଳକ ସମେତ ଅନ୍ୟ ଜଣଙ୍କୁ ଗିରଫ କରା ଯାଇଥିଲା । ତେବେ ଏହି ଗଞ୍ଜେଇ କେଉଁ ଜାଗାରୁ କିଏ ବିକ୍ରି କରିଥିଲା ଆଉ କିଏ ଏହି ଚାଲାଣର ମାଷ୍ଟର ମାଇଣ୍ଡ ସେ ନେଇ ଅଧିକ ତଦନ୍ତ କରୁଛି ଅବକାରୀ ବିଭାଗ ।