ବଜ୍ରପାତରେ ଜଣେ ଏବଂ ଗଛରୁ ପଡି ଜଣେ ମୃତ

ଅନୁଗୁଳ – ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ଅନ୍ତର୍ଗତ ନୂଆଗାଁ ଗ୍ରାମରେ ବଜ୍ରପାତ ଘଟି ଜଣେ ଯୁବକଙ୍କର ମୃତ୍ୟୁ ହୋଇଛି । ମୃତ ଯୁବକ ଜଣକ ହେଲେ ନୁଆଗାଁ ଗ୍ରାମର ଗୋବର୍ଦ୍ଧନ ସାହୁଙ୍କ ପୁତ୍ର ମନୋରଞ୍ଜନ (ଟୁନା) ସାହୁ(୩୫) ବୋଲି ଜଣାପଡିଛି । ଘଟଣାରୁ ପ୍ରକାଶ ନୂଆଗାଁ  ଗ୍ରାମର ମନୋରଞ୍ଜନ ସାହୁ ଅପରାହ୍ନରେ ତେଲିସାହି ନିକଟସ୍ଥ ଖମଣ ଆମ୍ବତୋଟାକୁ ଆମ୍ବ ଗୋଟାଇବାକୁ ଯାଇଥିବା ବେଳେ ଅପରାହ୍ନରେ ହଠାତ ବର୍ଷା ହେବାରୁ ଏକ ଗଛ ମୁଳରେ ଛିଡା ହୋଇଥିଲା । ସେହି ସମୟରେ ବଜ୍ରପାତ ହେବାରୁ ଘଟଣା ସ୍ଥଳରେ ବେହୋଶ ହୋଇ ପଡିଯାଇଥିଲେ । ବଜ୍ରପାତରେ ତାଙ୍କର ଶରୀରର ବହୁ ଅଂଶ ପୋଡି ଯାଇଥିଲା । ଖବର ପାଇ ପରିବାର ଲୋକ ଗୁରୁତର ଅବସ୍ଥାରେ ମନୋରଞ୍ଜନକୁ ଉଦ୍ଧାରକରି ଛେଣ୍ଡିପଦା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଯାଇଥିଲେ । ସେଠାରେ ଡାକ୍ତର ତାଙ୍କର ମୃତ୍ୟୁ ଘୋଷଣା କରିଥିଲା । ସେହିପରି ଅନୁଗୁଳ ଜରାସିଂହା ଗ୍ରାମରେ ଆମ୍ବ ଗଛରୁ ପଡି ଜଣେ ଯୁବକଙ୍କ ମୃତ୍ୟୁ ହୋଇଛି ମୃତ ଯୁବକ ଜଣକ ହେଲେ ମିଳନ ସାହୁ ମିଲନ ଆମ୍ବ ତୋଳିବା ପାଇ ଗଛରେ ଚଢିଥିବା ବେଳେ ଭାରସାମ୍ୟ ହରାଇ ଖସି ପଡିଥିଲେ ଗୁରୁତର ଅବସ୍ଥାରେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରା ଯାଇଥିବା ବେଳେ ଡାକ୍ତରେ ସେଠାରେ ତାଙ୍କୁ ମୃତ ଘୋଷଣା କରିଥିଲେ  

Advertisement

Leave a Reply

Your email address will not be published. Required fields are marked *