ଅନୁଗୁଳ – ଅନୁଗୁଳ ଟାଉନ ହାଇସ୍କୁଲ ସମ୍ମୁଖ ଭେଣ୍ଡି ଜୋନରେ ଚଢାଉ କରି ଅନୁଗୁଳ ସ୍ପେଶିଆଳ ସ୍କ୍ବାର୍ଡ ବ୍ରାଉନସୁଗାର ଜବତ କରିଥିବା ବେଳେ ଜଣେ ମହିଳା ସମେତ ତିନି ଜଣଙ୍କୁ ଗିରଫ କରା ଯାଇଛି । ସୂଚନା ଅନୁସାରେ ଭେଣ୍ଡି ଜୋନରେ ରହି କିଛି ଅସାଧୁ ବ୍ୟକ୍ତି ଅନେକ ଦିନ ହେଲା ବେପାର କରି ଆସୁଥିବା ଖବର ଥିଲା । ତେବେ ଆଜି ବିଶେଷ ସୂତ୍ରରୁ ଖବର ପାଇ ଜିଲ୍ଲା ଆରକ୍ଷୀ ଅଧିକ୍ଷକଙ୍କ ନିର୍ଦେଶ କ୍ରମେ ଅନୁଗୁଳ ଥାନା ପୁଲିସ ଓ ଜିଲ୍ଲା ସ୍ପେଶାଲ ସ୍କ୍ବାର୍ଡ ମିଳିତ ଭାବେ ଅନଗୁଳ ଟାଉନ ହାଇ ସ୍କୁଲ ସମୁଖରେ ଥିବା ମୁନସିପାଲଟିର ନୂତନ ଭାବେ ନିର୍ମିତ ଭେଣ୍ଡିଙ୍ଗ ଜୋନରେ ଚଢାଉ କରିଥିଲେ । ଚଢାଉ ବେଳେ ୦୩ ଜଣ ଅପରାଧୀଙ୍କୁ ଗିରଫ କରିବା ସହିତ ୫ ଗ୍ରାମ ୬୦୦ ମିଲି ଗ୍ରାମ ବ୍ରାଉନସୁଗାର ଜବତ କରା ଯାଇଥିଲା । ଗିରଫ ଅଭିଯୁକ୍ତ ମାନେ ହେଲେ ରାଜକିଶୋରପଡାର ଚତୁରୀ ନାଏକ , ପିଣ୍ଟୁ ଓରଫ ମୀର ହ।ସିମ ଓ ତୁରଙ୍ଗ ଗାଁର ସମେଷ ଦାସ । ବ୍ରାଉନସୁଗାରର ଜବତ କରିବା ସହ ତାଙ୍କ ନିକଟରୁ ୨ ଲକ୍ଷ ୧୭ ହଜାର ଟଙ୍କା ମଧ୍ୟ ଜବତ କରା ଯାଇଛି । ସେମାନଙ୍କ ନିକଟରୁ ତିନିଗୋଟି ମୋବାଇଲ ଫୋନ ଓ ଗୋଟିଏ ଟାବ୍ଲେଟ ଜବତ ମଧ୍ୟ କରା ଯାଇଛି ।