ଅନୁଗୁଳ – ଅନୁଗୁଳ ଜିଲ୍ଲାର ବହୁ ଚର୍ଚ୍ଚିତ ବସଷ୍ଟାଣ୍ଡ ନିକଟରେ ଘଟିଥିବା ନାବାଳିଆ ଦୁଷ୍କର୍ମ ମାମଲାରେ ଶୁଭ୍ରାଂଶୁ ପଟ୍ଟନାୟକ ( ସୁବୁ)କୁ ଦୋଷୀ ସାବ୍ୟସ୍ତ କରିଛନ୍ତି ମାନ୍ୟବର ଜିଲ୍ଲା ସ୍ପେସିଆଲ ପସ୍କୋ କୋର୍ଟ । ଦୋଷୀ ସାବସ୍ତ୍ୟ ପରେ ଅଭିଯୁକ୍ତ ସୁବୁକୁ ୨୦ ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ କରିବା ସହ ୧୦ ହଜାର ଟଙ୍କା ଜୋରିମନା ଆଦାଯ ପାଇଁ ନିର୍ଦେଶ ଦେଇଛନ୍ତି । ସୂଚନା ଅନୁସାରେ ଗତ ୨୦୧୯ ମସିହା ଜୁଲାଇ ୨୦ ତାରିଖ ରାତ୍ରିରେ ଅନୁଗୁଳ ମାଛ ମାର୍କେଟ ପାଖ ଏକ ଦୋକାନ ସାମ୍ନାରେ କିଛି ଯାଯାବର ପରିବାର ଶୋଇଥିବା ବେଳେ ଜଣେ ନାବାଳିକାକୁ ସେଠାରୁ ଟେକି ନେଇ ବସଷ୍ଟାଣ୍ଡ ଆହାର କେନ୍ଦ୍ର ପଛ ପଟେ ଦୁଷ୍କର୍ମ କରି ଡ୍ରେନରେ ପକାଇ ଦିଆ ଯାଇଥିଲା । ସକାଳେ ନାବାଳିକାକୁ ରକ୍ତାକ୍ତ ଅବସ୍ଥାରେ ଦେଖି ପରିବାର ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଆଉ ଅନୁଗୁଳ ଥାନାରେ ନାବାଳିକାର ମାଇଁ ଏ ନେଇ ଲିଖିତ ଅଭିଯୋଗ କରିଥିଲେ । ଘଟଣାକୁ ନେଇ ଅନୁଗୁଳ ପୁଲିସ କେସ ନମ୍ବର ୫୫୨ ରେ ଏକ ମାମଲା ରୁଜ୍ଜୁ କରି ସୁବୁକୁ ୨୩ ତାରିଖ ଦିନ ଗିରଫ କରିଥିଲା । ଦୋଷୀକୁ ପିଡିତା ଚିହ୍ନଟ ମଧ୍ୟ କରିଥିଲା । ଧାରା ୩୬୩ , ୩୭୬ ଏ ବି , ୩୦୭ ପସ୍କୋ ଆକ୍ଟ ଅନୁଯାଇ ପୁଲିସ ଅଭିଯୁକ୍ତଙ୍କ ବିରୋଧରେ ୧୬.୮.୨୦୧୯ ତାରିଖରେ ଚାର୍ଜସିଟ ଦାଖଲ କରିଥିଲା । ୩୦ ଜଣଙ୍କ ସାକ୍ଷ୍ୟ ଓ ପ୍ରମାଣ ଆଧାରରେ ଆଜି ଶନିବାର ଦିନ ମାନ୍ୟବର ଆଡିସନାଲ ଜିଲ୍ଲା ଏବଂ ସେସନ ଜର୍ଜ କମ ସ୍ପେସିଆଲ କୋର୍ଟ ଅଣ୍ଡର ପସ୍କୋ ଆକ୍ଟ ଜର୍ଜ ଶ୍ରୀଯୁକ୍ତ ଅଗସ୍ତି କୁମାର ସାହୁ ଶୁଣାଣି କରି ଦୋଷୀକୁ ୩୭୬ ଏବି ଧାରା ଅନୁଯାୟୀ ୨୦ ବର୍ଷ ଜେଲ ୧୦ ହଜାର ଟଙ୍କା ଫାଇନ ଓ ଆନାଦେୟ ୧ ବର୍ଷ ସଶ୍ରମ କାରାଦଣ୍ଡ ଶୁଣାଣି କରିଛନ୍ତି । ଏହାଛଡା ୩୬୩ରେ ୩ ବର୍ଷ ଜେଲ ୩ ହଜାର ଟଙ୍କା ଫାଇନ ଓ ଆନାଦେୟ ୬ ମାସ , ୩୦୭ ରେ ୫ ବର୍ଷ ଜେଲ ୫ ହଜାର ଟଙ୍କା ଫାଇନ ଓ ଆନାଦେୟ ୧ ବର୍ଷ ପସ୍କୋ ଆକ୍ଟରେ ୧୦ ବର୍ଷ ଜେଲ ୧୦ ହଜାର ଟଙ୍କା ଫାଇନ ଓ ଆନାଦେୟ ୧ ବର୍ଷ ଜେଲ ଶୁଣାଣି କରିଛନ୍ତି ମାନ୍ୟବର କୋର୍ଟ । ଏହି କେସକୁ ସ୍ପେସିଆଲ ସରକାରୀ ଓକିଲ ସରୋଜ ପଟ୍ଟନାୟକ ପରିଚାଳନା କରିଥିଲେ ।
Advertisement
