ଅନୁଗୁଳ – ଅନୁଗୁଳ ଥାନା ହେମସୁରପଡ଼ା ଅଞ୍ଚଳରୁ ଦୁଇଟି ମୋବାଇଲ ଚୋରୀ ହୋଇଥିବା ଘଟଣାରେ ପୁଲିସ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ମାନେ ହେଲେ ବନ୍ତଳା ଥାନା ଅନ୍ତର୍ଗତ ପୋକତୁଙ୍ଗା ଗ୍ରାମର ବିଷ୍ଣ ନାଏକ , ହେମସୁର ପଡ଼ାର ରାଜେଶ ନାଏକ ଓ ବନ୍ତଳା ଥାନା ଦଳବେହେରାସାହିର ସୁଜିତ କୁମାର ନାଏକ । ସୂଚନା ଅନୁସାରେ , ଗତ ଏପ୍ରିଲ ୨୯ ତାରିଖରେ ହେମସୁରପଡ଼ାର ସର୍ବେଶ୍ବର ସାହୁଙ୍କ ଘରେ ଭୋର ସମୟରେ କେହି ପଶି ଦୁଇଟି ମୋବାଇଲ ଫୋନ୍ ନେଇଯାଇଥିଲେ । ଏନେଇ ସର୍ବେଶ୍ବର ଅନୁଗୁଳ ଥାନାରେ ଲିଖିତ ଅଭିଯୋଗ କରିବା ପରେ ଏଏସଆଇ ଅବଦୁଲ ୱାସିମ୍ ଖାନ ଘଟଣାର ତଦନ୍ତ କରିଥିଲେ । ତଦନ୍ତ ବେଳେ ଘଟଣା ଜଣା ପଡିବା ପରେ ଚୋରୀ ହୋଇଥିବା ଦୁଇଟି ମୋବାଇଲ ପୁଲିସ ଜବତ କରିବା ସହ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ।