ଛେଣ୍ଡିପଦା – ଅନୁଗୁଳ ଜିଲ୍ଲା ଦେଇ ଯାଇଥିବା ୫୫ ନମ୍ବର ଜାତୀୟ ରାଜପଥରେ ଜରପଡା ଥାନା ଭାଗିରଥୀପୁର ନିକଟରେ ଏକ କାର ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହେବା ଫଳରେ ଚାଳକ ସମେତ ୪ ଆହତ ହୋଇଛନ୍ତି । ସୂଚନା ଅନୁସାରେ ଆଜି(ଗୁରୁବାର) ସକାଳ ୭ ଟାରେ ଠାକୁରଗଡ଼ ଅଞ୍ଚଳରୁ ଓଡ଼ି-୧୯-ଏଲ-୫୮୪୫ ନମ୍ବରର ଏକ କାର ରୋଗୀ ନେଇ ଅନୁଗୁଳ ଆସୁଥିଲା । ତେବେ ଭାଗିରଥୀପୁର ଗ୍ରାମ ନିକଟରେ ବିପରୀତ ପଟୁ ଆସୁଥିବା ମୋଟରସାଇକେଲ ହଠାତ କାର ସମ୍ମୁଖକୁ ପଳେଇ ଆସିଥିଲା । ସେହି  ମୋଟାରସାଇକେଲକୁ ବଞ୍ଚେଇବାକୁ ଯାଇ କାରଟି ଭାରସାମ୍ୟ ହରାଇ ଓଲଟି ପଡିଥିଲା । ଫଳରେ ଏହି ଦୁର୍ଘଟଣାରେ ଚାଳକ ସମେତ ୪ ଜଣ ଗୁରୁତର ହୋଇଥିଲେ । ସେମାନଙ୍କୁ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ଜରପଡା ପୁଲିସ ଘଟଣାସ୍ଥଳରେ ପହଞ୍ଚି କାରଟିକୁ ଜବତ କରି ତଦନ୍ତ କରୁଛି ।