ଅନୁଗୁଳ – ନାଲକୋନଗର ଅଞ୍ଚଳରେ ରାତିରେ ପେଟ୍ରୋଲିଂ କରୁଥିବା ସମୟରେ  ନାଲକୋ ସିନିୟର ଡିପିଏସ୍ ସ୍କୁଲ ପଛ ପାଖରୁ ୫ ଜଣ ଡକାୟତଙ୍କୁ ନାଲକୋନଗର ପୋଲିସ କାବୁ କରି ପାରିଛି । ଉକ୍ତ ୫ ଡକାୟତ ଲୁଟ ଯୋଜନା କରୁଥିବା ବେଳେ ବିଶ୍ଵସ୍ତ ସୂତ୍ରରୁ ଖବର ପାଇ ଚଢାଉ କରିଥିଲା । ସେମାନଙ୍କ ନିକଟରୁ ଭୁଜାଲି, ଲୁହା ଛଡ଼, ଛୁରୀ ,ନମ୍ବର ବିହୀନ ବୁଲେଟ ଗାଡି , ଗୋଟିଏ ସ୍କୁଟି ,ଗୋଟିଏ ହୋରୋହୋଣ୍ଡା ମୋଟରସାଇକେଲ ଓ ୩ଟି ମୋବାଇଲ ଜବତ କରିଥିବା ପୋଲିସ ପକ୍ଷରୁ ସୂଚନା ମିଳିଛି । ଗିରଫ ଅଭିଯୁକ୍ତ ମାନେ ହେଲେ ତାଳଚେର ଥାନା ଅନ୍ତର୍ଗତ ନୂଆଁପଡା ଗ୍ରାମର ସୁମନ୍ତ ନାୟକ(୨୮) , ଢେଙ୍କାନାଳ ଜିଲ୍ଲା ତୁମୁସିଙ୍ଗା ଥାନା କଣ୍ଟାଇପୁଟସାହି ଗ୍ରାମର ସତ୍ୟବ୍ରତ ନାୟକ(୨୧) , ଢେଙ୍କାନାଳ ଜିଲ୍ଲା ସଦର ଥାନା ଅନ୍ତର୍ଗତ ନାଛିପୁର ଗ୍ରାମର  ଅଜୟ ନାୟକ(୨୪) , ନାଲକୋ ଥାନା ଅନ୍ତର୍ଗତ କାଣ୍ଡସର ଗ୍ରାମ ଗଉଡ ସାହିର ନନ୍ଦନ ବେହେରା (୨୯) ଓ ଜଣେ ନାବାଳକ । ଗିରଫ ଡକାୟତ ମାନଙ୍କୁ କୋର୍ଟ ଚାଲାଣ କରା ଯାଇଥିବା ବେଳେ ସମ୍ପୃକ୍ତ ୫ ଯୁବକ ନାଲକୋ ଅଞ୍ଚଳରେ ପୂର୍ବରୁ ହୋଇଥିବା ଛିନାତାଇ ମାମଲାରେ ସମ୍ପୃକ୍ତି ଥିବା ପୋଲିସ ସୂଚନା ଦେଇଛି ।