ଗୋଟିଏ ସ୍ଥାନରୁ ୫୨ ସାପ ଉଦ୍ଧାର

ଅନୁଗୁଳ – ଅନୁଗୁଳ ସହର ନିକଟସ୍ଥ ତୁରଙ୍ଗ ଗ୍ରାମ କେନାଲ ସାହିରୁ ୫୨ ଟି ପାଣିଧଣ୍ଢ ସାପ ଛୁଆ ଉଦ୍ଧାର କରାଯାଇଅଛି କେନାଲ ସାହି ବିଦେଶୀ ବେହେରାଙ୍କ ଘର ପଛ ପାଖ ବାଡିରେ ଏକ ଆଜବେଷ୍ଟସ ତଳୁ ଗତ ୧୩ ତାରିଖରେ ଏକ ପାଣିଧଣ୍ଢ ସାପ ଥିବା ଦେଖି ପରିବାର ଲୋକେ ସର୍ପମିତ୍ର ଆଦିତ୍ୟ ବେହେରାଙ୍କୁ ଯୋଗାଯୋଗ କରିଥିଲେ ଖବର ପାଇ ଆଦିତ୍ୟ ବେହେରା ଓ ସାଥୀ ରାଧାମୋହନ ସାହୁ ତୁରନ୍ତ ଘଟଣାସ୍ଥଳରେ ପହଞ୍ଚି ଏକ ବଡ ମାଇ ପାଣିଧଣ୍ଢ ଓ ତା ପାଖରେ ଥିବା ପାଖାପାଖି ୬୦ ରୁ ୬୫ ଟି ଅଣ୍ଡା ଥିବା ଦେଖିବାକୁ ପାଇଥିଲେ ଫଳରେ ଆଦିତ୍ୟ , ମାଆ ସାପଟିକୁ ଉଦ୍ଧାର କରି ଏକ ସୁରକ୍ଷିତ ସ୍ଥାନରେ ଛାଡି ଦେବା ସହ ଅଣ୍ଡାଗୁଡିକୁ ଯତ୍ନ ଓ ଅତି ସତର୍କତାର ସହ ଉଦ୍ଧାର ଜାଗା ନିକଟବର୍ତ୍ତୀ ଅନ୍ୟ ଏକ ଜାଗାରେ ସୁରକ୍ଷିତ ଭାବରେ ରଖି ଦେଇଥିଲେ ସୌଭାଗ୍ୟବଶତଃ ମାଆ ସାପ ଉଦ୍ଧାରର ସେହି ସ୍ଥାନକୁ ଆସି ଅଣ୍ଡାଗୁଡିକ ଫୁଟାଇଥିଲା ସେଥିରୁ ମୋଟ ୫୨ ଟି ପାଣିଧଣ୍ଢ ସାପ ଛୁଆ ଜୀବିତ ଓ ସୁସ୍ଥ ଅବସ୍ଥାରେ ଥିବା ବେଳେ ସର୍ପମିତ୍ର ଆଦିତ୍ୟ ଓ ସାଥୀ ରାଧାମୋହନ ସାହୁ ଉଦ୍ଧାର କରିଥିଲେ ଏ ବାବଦରେ ଅନୁଗୁଳ ବନାଞ୍ଚଳ ଅଧିକାରୀଙ୍କୁ ଜଣାଇବା ସହ ତାଙ୍କ  ତତ୍ତ୍ବାବଧାନରେ ସାପ ଛୁଆ ଗୁଡିକୁ ସେମାନଙ୍କ ନିକଟସ୍ଥ ପ୍ରାକୃତିକ ଆବାସସ୍ଥଳୀରେ ସୁରକ୍ଷିତ ଭାବେ  ଛାଡି ଦିଆଯାଇଅଛି

Advertisement

Leave a Reply

Your email address will not be published. Required fields are marked *