ତାଳଚେର – ଅନୁଗୁଳ ତାଳଚେରର ଜନଗହଳିପୂର୍ଣ୍ଣ ସ୍ପଷ୍ଟ ଦିବାଲୋକରେ ପୁଲିସ୍କୁ ଚ୍ୟାଲେଞ୍ଜ ଦେଇ ଗୋଟିଏ ପରେ ଗୋଟିଏ ସ୍ଥାନରୁ ମହିଳାଙ୍କ ଠାରୁ ସୁନାଚେନ୍ ଝାମ୍ପିନେଇ ଆଖି ପିଛୁଳାକେ ପଲସର୍ ମୋଟରସାଇକେଲରେ ଚମ୍ପଟ ମାରୁଥିବା ଲୁଟେରା ଗ୍ୟାଙ୍ଗର ୪ଜଣ ଲୁଟେରାକୁ ଗିରଫ କରିବାକୁ ସକ୍ଷମ ହୋଇଛି ପୁଲିସ । ଏହା ସହ ଜଣେ ମହିଳା ଲୁଟ୍ ହୋଇଥିବା ଏକ ସୁନାଚେନ୍ ବନ୍ଧକ ସୂତ୍ରରେ ଦେଇଥିବାରୁ ତାଙ୍କୁ ମଧ୍ୟ ପୁଲିସ୍ ଗିରଫ କରିଛି । ଘଟଣାରୁ ପ୍ରକାଶ ତାଳଚେର ରାଧାରମଣପୁର ଆଲୋକ ଭୂତିଆ (୨୨) , ପୁରୀ ଅଞ୍ଚଳର ନିରଞ୍ଜନ ସାହୁ , ଓରଫ ବାବୁ (୨୯) , ତାଳଚେର ରାଧାରମଣପୁରର ବାସନ୍ତୀ ବେହେରା ( ୩୮ ) , ସୁନାଖଣି ଅଞ୍ଚଳର ଅଭିନାଥ ନାଏକ ( ୨୪ ) ଓ ପର୍ଜଙ୍ଗ ବାରିହାପୁର ଅଞ୍ଚଳର ଦୀନବନ୍ଧୁ ନାଏକ ଓରଫ ବାବାଜୀ (୨୧) । ଏମାନେ ତାଳଚେର ଅଞ୍ଚଳର ବିଭିନ୍ନ ସ୍ଥାନରେ ବିଭିନ୍ନ ମହିଳାଙ୍କ ବେକରୁ ସୁନାଚେନ୍ ଓ ଅନ୍ୟାନ୍ୟ ସାମଗ୍ରୀ ଝାମ୍ପିନେଇ ପଲସର ଗାଡିରେ ଚମ୍ପଟ ମାରୁଥିଲେ ବୋଲି ପୁଲିସ ସୂଚନା ଦେଇଛି ।
Advertisement
