ଆଠମଲ୍ଲିକ – ଅନୁଗୁଳ ଜିଲ୍ଲା ଆଠମଲ୍ଲିକ ଥାନା ମାନଜୋର ଡ୍ୟାମର ପୂର୍ଵ ପାଖ ମୁଖ୍ୟ କେନାଲ ମଝିରେ ଶନିବାର ଜଣେ ଅଚିହ୍ନା ବ୍ୟକ୍ତିଙ୍କ ମୃତଦେହ ଭାସୁଥିବା ଦେଖିବାକୁ ମିଳିଛି । ମାନେଜୋର ମୁଖ୍ୟ କେନାଲ ଠାରୁ ଅଧା କିଲେମିଟର ଦୁରତାରେ ଏହି ମୃତଦେହଟି ପାଣି ଭିତରକୁ ମୁହଁ କରି ପଡିଛି । ମୃତଦେହ ଭାସୁଥିବା ଖବର ଜଣା ପଡିବା ପରେ ଘଟଣାସ୍ଥଳରେ ଲୋକଙ୍କ ଭିଡ଼ ଜମିଥିଲା । ପରେ ଦମକଳ ବାହିନୀ ସହାୟତାରେ ମୃତଦେହ ଉଦ୍ଧାର କରାଯାଇଥିଲା । ଆଠମଲ୍ଲିକ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ତେବେ ଏହା ଦୁର୍ଘଟଣା ନା ହତ୍ୟା ନା ଆତ୍ମହତ୍ୟା ତାହା ଜଣା ପଡି ନାହିଁ । ପରିଚୟ ସ୍ପଷ୍ଟ ହେବା ପରେ ତଦନ୍ତର ଅଗ୍ରଗତି ହୋଇ ପାରିବ ବୋଲି ପୁଲିସ ପକ୍ଷରୁ କୁହା ଯାଇଛି ।