ଅନୁଗୁଳ – ଅନୁଗୁଳ ଓ ଏହାର ଆଖପାଖ ଅଞ୍ଚଳରେ ବର୍ଷା ଲାଗି ରହିଥିବା ବେଳେ ବର୍ଷା ଯୋଗୁଁ କାନ୍ଥ ପଡି ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ହିଶୂ ଗୁରୁତର ହୋଇଛନ୍ତି । ନିଶା ଥାନା ଅନ୍ତର୍ଗତ ସାନକେରଜାଙ୍ଗ ଗ୍ରାମରେ ଏହି ଅଭାବନୀୟ ଘଟଣା ଘଟିଛି । ସୂଚନା ଅନୁସାରେ , ଜିଲ୍ଲାରେ ଲଘୁଚାପ ବର୍ଷା ପାଇଁ ଜିଲ୍ଲାର ବିଭିନ୍ନ ସ୍ଥାନରେ ବର୍ଷା ଲାଗି ରହିଛି । ସାନକେରଜାଙ୍ଗ ଗାଁର ପରଭା ଗୋଚ୍ଛାୟତ (୬୦)  ଏବଂ ତାଙ୍କ ନାତୁଣୀ ଖୁସି ଗୋଚ୍ଛାୟତ (୧୦) ଦିନ ୨ ଘଟିକା ବେଳେ ପରିବାର ଲୋକଙ୍କ ସହ ଖାଇ ସାରି ଶୋଇଥିଲେ । ସେମାନେ ଶୋଇଥିବା ବେଳେ ଘରର କାନ୍ଥ ବର୍ଷା ଯୋଗୁଁ ଭୁଷୁଡି ଯାଇଥିଲା । ଫଳରେ ଦୁଇ ଜଣ ଗୁରୁତର ହୋଇ ଯାଇଥିଲେ । ସେମାନଙ୍କୁ ସେଠାରୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରା ଯାଇଥିଲା । ତେବେ ଚିକିତ୍ସାଧୀନ ଅବସ୍ଥାରେ ଡାକ୍ତର ପରଭାଙ୍କ ମୃତ୍ୟୁ ହୋଇଥିଲା । ସେପଟେ ନାତୁଣୀ ଖୁସିର ଡାହାଣ ଗୋଡରେ ଗଭୀର ଆଘାତ ଲାଗି ଥିବା ବେଳେ ଏବେ ମଧ୍ୟ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଅବସ୍ଥାରେ ଅଛି ।