ଅନୁଗୁଳ – ବାଲ୍ୟବିବାହ ସଂପୂର୍ଣ୍ଣ ବେଆଇନ । ୧୮ବର୍ଷରୁ କମ୍ ଝିଅକୁ କିମ୍ବା ୨୧ ବର୍ଷରୁ କମ୍ ପୁଅକୁ ବିବାହ କରାଇବା ଦଣ୍ଡନୀୟ ଅପରାଧ । ୨୦୦୬ ମସିହାରୁ ଲାଗୁ ହୋଇଥିବା ଏହି ଆଇନ କଡ଼ାକଡ଼ି ପାଳନ କଳିବା ପାଇଁ ଅନୁଗୁଳ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ଵାଇଁ ଜିଲ୍ଲାର ସବୁ ସରପଞ୍ଚ ମାନଙ୍କୁ ଚିଠି ଲେଖିଛନ୍ତି ।  ନାବାଳିକା ବାହାଘର ପାଇଁ ବାପା , ମା ଯେତିକି ମାତ୍ରାରେ ଦାୟୀ , ବେଦି ଉପରେ ନାବାଳିକାଙ୍କ ବାହାଘର କରାଉଥିବା ଥିବା ବ୍ରାହ୍ମଣ ସମ ପରିମାଣର ଦାୟୀ । ଏଥିପାଇଁ ବାହାଘର କରିବା ପୂର୍ବରୁ ବ୍ରାହ୍ମଣ ମାନେ ବର-କନ୍ୟା ମାନଙ୍କ ବୟସ କେତେ ତାହା ଜାଣିବାକୁ ଜିଲ୍ଲାପାଳ ପରାମର୍ଶ ଦେଇଛନ୍ତି । ବେଦିରେ ବସିଲା ବେଳକୁ ବର – କନ୍ୟାଙ୍କର ବୟସ କେତେ ତାହା ଜାଣିବାକୁ ଜିଲ୍ଲାପଳ ପରାମର୍ଶ ଦେଇଛନ୍ତି । କେବଳ ବ୍ରାହ୍ମଣ ମାନଙ୍କୁ ନୁହେଁ , ବାହାଘର ପାଇଁ କଲ୍ୟାଣ ମଣ୍ଡପ , ବାହାଘରରେ ସାମିଲ ଗାଡିର ମାଲିକ , ବ୍ୟାଣ୍ଡ ବାଜା ମାଲିକମାନଙ୍କୁ ମଧ୍ୟ ଜିଲ୍ଲାପାଳ ସତର୍କ କରାଇ ଦେଇଛନ୍ତି । ଅନୁଗୁଳ ଜିଲ୍ଲା କେମିତି ବାଲ୍ୟ ବିବାହମୁକ୍ତ ହେବ ନେଇ ତାହାର ଉତ୍ତର ଦାୟିତ୍ବ ନେଇ ଜିଲ୍ଲାପାଳ ୨୦୦୬- ବାଲ୍ୟ ବିବାହ ଆଇନ ଅନୁସାରେ ଝିଅକୁ ୧୮ବର୍ଷ ବୟସ ନ ନେଲେ ତାଙ୍କୁ ବିବାହ କରାଯାଇ ପାରିବ ନାହିଁ ଏବଂ ପୁଅକୁ ୨୧ବର୍ଷ ବୟସରୁ କମ ହେଲେ ସେ ମଧ୍ୟ ବିବାହ ପାଇଁ ଯୋଗ୍ୟ ହୋଇ ନାହିଁ ବୋଲି କହିଛନ୍ତି । ୧୫ବର୍ଷ ପୂର୍ବରୁ ସରକାର ଏଭଳି ଆଇନକୁ ଲାଗୁ କରିଥିବା ସତ୍ଵେ କରିଛି , ଗାଁ ଗଣ୍ଡାରେ ଏହାକୁ ପାଳନ କରା ଯାଉନାହିଁ । ଲକଡାଉନ ସମୟରେ ଅନୁଗୁଳ ଜିଲ୍ଲାର ଗାଁ ଗଣ୍ଡାରେ ଚାଲିଥିବା ସିରିଜ ନାବାଳିକା ବିବାହର ଅୟୋଜନ ଗାଁ ଗଣ୍ଡାରେ ବାଲ୍ୟବିବାହକୁ ନେଇ ସଚେତନତାର ଅଭାବକୁ ପଦାକୁ ଆସିଥିଲା । ଗତ ଦୁଇ ମାସ ମଧ୍ୟରେ ୧୩ଟି ବାଲ୍ୟ ବିବାହ କଥା ପ୍ରଶାସନ ସାମ୍ନାକୁ ଆସିଛି । ଅଙ୍ଗନବାଡ଼ି କର୍ମୀ , ପୁଲିସ ସମନ୍ଵୟରେ ଯଦିଓ ଏହି ବାଲ୍ୟ ବିବାହକୁ ବନ୍ଦ କରାଯାଇଛି , ତଥାପି ଲୁଚାଛପାରେ ଅନେକ ନାବାଳିକାଙ୍କର ବାହାଘର ହୋଇଛି । ଯେଉଁ ବିବାହରେ କୌଣସି ବିରୋଧାଭାଷ ହୋଇ ନାହିଁ , ସେହି ବାହାଘର ସବୁ ଧୁମଧାମରେ କରାଯାଇଛି । ସେଥିପଇଁ ଜିଲ୍ଲାପାଳ ବ୍ରାହ୍ମଣ  ,ଟେଣ୍ଟ ହାଉସ୍ ମାଲିକ , ଗାଡ଼ି ଓ କ୍ୟାଟରିଂ ମାଲିକଙ୍କ ଉଦ୍ୟେଶରେ ଏହି ସତର୍କପୂର୍ଣ୍ଣ ଚିଠି ଲେଖି ସରପଞ୍ଚ ମାନଙ୍କ ନିକଟକୁ ପଠାଇଛନ୍ତି । ନିଜ ଅଞ୍ଚଳରେ ଏହି ସବୁ ମାଲିକମାନଙ୍କୁ ବାଲ୍ୟବିବାହ ଆଇନ ସମ୍ପର୍କରେ ସଚେତନ କରାଇବା ପାଇଁ ଚିଠିରେ ଏସପିଏସଟି କରା ଯାଇଛି ।