ଅନୁଗୁଳ – ଅନୁଗୁଳ ପ୍ରିନ୍ସ ଏଣ୍ଡ ପ୍ରିନ୍ସ କ୍ଲବ ଦ୍ଵାରା ଆୟୋଜିତ ୧୦ମ ହେମସୁରପଡା କପ ଫୁଟବଲ କପର ଫାଇନାଲ ମ୍ୟାଚ ରବିବାର ଅନୁଷ୍ଠିତ ହୋଇ ଯାଇଛି । ଟାଉନ ହାଇସ୍କୁଲ ପଡିଆଠାରେ ଅନୁଷ୍ଠିତ ଫାଇନାଲ ମ୍ୟାଚ ଢେଙ୍କାନାଳ ଓ ସମ୍ବଲପୁରର କୁଚିଣ୍ଡା ଦଳ ମଧ୍ୟରେ ହୋଇଥିଲା । ଯେଉଁଥିରେ କୁଚିଣ୍ଡା ଦଳ ୨-୧ ଗୋଳରେ ବିଜୟ ହାସଲ କରିଥିଲା । ମ୍ୟାଚର ପ୍ରଥମାର୍ଦ୍ଧରେ କୌଣସି ଗୋଲ କରି ପାରି ନଥିବା ବେଳେ ଦ୍ଵିତୀୟାର୍ଦ୍ଧରେ ପ୍ରଥମେ ଢେଙ୍କାନାଳ ଦଳର ବିକି ପ୍ରଥମ ଗୋଲ ସ୍କୋର କରିଥିଲେ । ହେଲେ ପରେ କୁଚିଣ୍ଡା ଦଳ ଲଢୁଆ ଖେଳ ଖେଳି ଲଗାତାର ୨ ଗୋଲ ଗୋଲ କରି ବିଜୟ ହାସଲ କରିଥିଲେ । ଆଜିର ମ୍ଯାଚକୁ ସୁରେଶ ଦାସ ପରିଚାଳନା କରିଥିଲେ । ତାଙ୍କୁ ପ୍ରଶାନ୍ତ ପାଲ ଓ ସଲିଳ କୁମାର ବେହେରା ଲାଇନରେ ସହଯୋଗ କରିଥିଲେ । ଆଜିର ଫାଇନାଲ ମ୍ୟାଚରେ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ପ୍ରତାପ ଚନ୍ଦ୍ର ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇ ଖେଳାଳି ମାନଙ୍କୁ ପୁରସ୍କୃତ କରିଥିଲେ ।