ଅନୁଗୁଳ – ଅନୁଗୁଳ ଜିଲ୍ଲାରେ ହୋଲି ଏବଂ ଦୋଳଯାତ୍ରା ଉପରେ ଲାଗିଛି କଟକଣା । ମାର୍ଚ୍ଚ ୨୮ ଏବଂ ୨୯ ତାରିଖରେ ହେବାକୁ ଥିବା “ଦୋଳଯାତ୍ରା ଏବଂ ହୋଲି” ପାଳନ ପାଇଁ ସମଗ୍ର ଧାର୍ମିକ ସାଂସ୍କୃତିକ ଅନୁଷ୍ଠାନ ଏବଂ ସେମାନଙ୍କ ରୀତିନୀତି ପାଇଁ ଏକାଠି ହେବାକୁ ସମଗ୍ର ଜିଲ୍ଲାରେ ଅନୁମତି ଦିଆଯିବ ନାହିଁ ବୋଲି ଜିଲ୍ଲାପାଳ ଆଜି ନୋଟିସ ଜାରି କରିଛନ୍ତି । ଲୋକମାନେ ହୋଲିରେ କେବଳ ପରିବାର ସଦସ୍ୟଙ୍କ ସହିତ “ହୋଲି” ପାଳନ କରି ପାରିବେ ଏବଂ ସର୍ବସାଧାରଣ ରାସ୍ତା ସମେତ କୌଣସି ସର୍ବସାଧାରଣ ସ୍ଥାନରେ ହୋଲି କିମ୍ବା ଦୋଳପର୍ବ ପାଳନ କରି ପାରିବେ ନାହିଁ । ଏହି ଆଦେଶକୁ ଉଲ୍ଲଂଘନ କରୁଥିବା ଯେ କୌଣସି ବ୍ୟକ୍ତି ବିପର୍ଯ୍ୟୟ ପରିଚାଳନା ଆଇନ,୨୦୦୫ ଏବଂ ଅନ୍ୟାନ୍ୟ ପ୍ରଯୁଜ୍ୟ ନିୟମ ଅନୁଯାୟୀ ଦଣ୍ଡିତ ହେବେ ବୋଲି ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ଵାଇଁ ନିର୍ଦେଶ ଦେଇଛନ୍ତି ।