ଅନୁଗୁଳ – ଅନୁଗୁଳ ଅମଲାପଡାସ୍ଥିତ ମା ବାସନ୍ତୀ ଦୁର୍ଗାଙ୍କର ଆଜି ଷଷ୍ଠୀ ପୂଜା ଆରମ୍ଭ ହୋଇଛି । ବର୍ତ୍ତମାନ ସ୍ଥିତିରେ ଲାଗି ରହିଥିବା ମହାମାରୀ କରୋନା ଯୋଗୁଁ କୋଭିଡ ଗାଇଡ଼ ଲାଇନ ଅନୁସାରେ ନିରାଡ଼ମ୍ବର ଭାବରେ ମା‘ଙ୍କର ଏହି ପୂଜା ଅନୁଷ୍ଠିତ ହୋଇଛି । ରୀତିନୀତି ଅନୁସାରେ ପୂଜା ହେଉଥିବା କମିଟିର ସଭାପତି ଶ୍ରୀ ଶକ୍ତି ପ୍ରସାଦ ପଟ୍ଟନାୟକ ,ଉପଦେଷ୍ଟା ପ୍ରଦୀପ କୁମାର ଦେବତା ସୂଚନା ଦେଇଛନ୍ତି । ଚଳିତ ବର୍ଷ ନିରାଡମ୍ବର ଭାବେ ଏହି ପୂଜା ହେଉଥିବା ବେଳେ କୌଣସି ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ହେବ ନାହିଁ ।  ରକ୍ତର  ଅଭାବକୁ ଦୃଷ୍ଟିରେ ରଖି ବିଜୟାଦଶମୀ ଗୁରୁବାର ଦିନ ଏକ ରକ୍ତଦାନ ଶିବିର କାର୍ଯ୍ୟକ୍ରମ ଅନୁଷ୍ଠିତ ହେବ । ସମସ୍ତ ଶ୍ରଦ୍ଧାଳୁ କୋଭିଡ ଗାଇଡ଼ ଲାଇନ ଅନୁସାରେ ଦର୍ଶନ କରିବାକୁ ପୂଜା କମିଟି ତରଫରୁ ଅନୁରୋଧ କରାଯାଇଛି ।