ୱେଲଡିଙ୍ଗ୍ ଦୋକାନ ଘରୁ ମିସ୍ତ୍ରୀଙ୍କ ଝୁଲନ୍ତା ମୃତ ଦେହ ଉଦ୍ଧାର

ଛେଣ୍ଡିପଦା – ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ବାଲିପଟ୍ଟା ଗ୍ରାମର ଏକ ୱେଲଡିଙ୍ଗ୍ ଦୋକାନରୁ ୱେଲଡିଙ୍ଗ ମିସ୍ତ୍ରୀଙ୍କ ଝୁଲନ୍ତା ମୃତ ଦେହ ଉଦ୍ଧାର କରାଯାଇଛି । ପୋଲିସ ସୂଚନା ଅନୁସାରେ ଅନୁଗୁଳ ଥାନା ଖଲାରୀ ଗ୍ରାମର ଅରକ୍ଷିତ(ହରି) ଗଡ଼ନାୟକ ବାଲିପଟ୍ଟାର ଚୌଧୁରୀ ସାହୁଙ୍କ ୱେଲଡିଙ୍ଗ୍ ଦୋକାନରେ ୪ବର୍ଷ ହେବ ମିସ୍ତ୍ରୀ ଭାବରେ କାର୍ଯ୍ୟ କରୁଥିଲେ। ସେହି ଦୋକାନରେ ଅରକ୍ଷିତ ରହି ଆସୁଥିଲେ । ଆଜି ସକାଳେ ଚୌଧୁରୀ ଦୋକାନ ନିକଟରେ ପହଞ୍ଚି ଦୋକାନ ବନ୍ଦ ଥିବାର ଦେଖିଥିଲେ । ସଟର ଖୋଲି ଦୋକାନ ଭିତରକୁ ପଶିବା ପରେ ହରିକୁ ଝୁଲନ୍ତା ଅବସ୍ଥାରେ ଦେଖି ପୁଲିସକୁ ଖବର ଦେଇଥିଲେ । ଘଟଣାସ୍ଥଳରେ ଛେଣ୍ଡିପଦା ପୋଲିସ ପହଞ୍ଚି ଅରକ୍ଷିତଙ୍କ ମୃତଦେହ ଜବତ ପରେ ବ୍ୟବଛେଦ କରି ଘଟଣାର ତଦନ୍ତ ଚଳେଇଛି । ତେବେ ମରୁତ ଶରୀରର ଅବସ୍ଥିତି ଏବଂ ପାରିପାର୍ଶ୍ଵିକ ସ୍ଥିତିକୁ ଦେଖିଲେ ଏହା ଆତ୍ମହତ୍ୟା ନା ହତ୍ୟା ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି ।

Advertisement