ତାଳଚେର – ଅନୁଗୁଳ ଜିଲ୍ଲା ତାଳଚେର ଅଞ୍ଚଳରେ ଚାକିରି ଦେବା ନାଁରେ ୫ ଲକ୍ଷ ଟଙ୍କା ଠକେଇ କରିଥିବା ଅଭିଯୋଗରେ ପୁଲିସ ଚାଇଁପାଳ ଗାଁର ପରମାନନ୍ଦ ବେହେରା ଓ ତାଙ୍କ ପୁଅ ପ୍ରୀତମ ବେହେରାଙ୍କୁ ଗିରଫ କରି କୋର୍ଟ ଚାଲାଣ କରିଥିଲା ପୁଲିସ । ତେବେ ଏହି ଘଟଣାର ମାଷ୍ଟରମାଇଣ୍ଡକୁ ଧରିବାରେ ସଫଳ ହୋଇଥିବା ବେଳେ ତାର ଅନ୍ୟ ଜଣେ ସହଯୋଗୀଙ୍କୁ ମଧ୍ୟ ତାଳଚେର କୋଲିୟାରି ପୁଲିସ ଗିରଫ କରିଛି । ସୂଚନା ଅନୁସାରେ ଡଦାଣ୍ଡସାହିର କାର୍ତ୍ତିକ ରାଉତ ନାମକ ଜଣେ ବ୍ୟକ୍ତି ଗତ ୭ ତାରିଖରେ ତାଳଚେର କୋଲିୟରି ଥାନାରେ ଲିଖିତ ଅଭିଯୋଗ କରିବା ପରେ ପୁଲିସ ତଦନ୍ତ କରି ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରିଛି । କାର୍ତ୍ତିକ ଇଲେକ୍ଟ୍ରିକାଲ ଇଞ୍ଜିନିୟରିଂରେ ଡିପ୍ଲୋମା ପାସ କରିବା ପରେ ଚାକିରି ସନ୍ଧାନରେ ଥିଲେ । ସେତିକିବେଳେ ନାଲକୋ ଅଞ୍ଚଳରେ ରହୁଥିବା ପରମାନନ୍ଦ ବେହେରା ୫ ଲକ୍ଷ ଟଙ୍କା ବିନିମୟରେ ଓଡିଶା ଥର୍ମାଲ ପାୱାର ପ୍ଳାଣ୍ଟ ଅଧୀନରେ କାମାକ୍ଷାନଗରରେ ଚାକିରି କରାଇ ଦେଉଛନ୍ତି ବୋଲି ଶୁଣିଲେ । ଆଉ ଚାକିରି ସନ୍ଧାନରେ ଥିବା କାର୍ତ୍ତିକ ଏହା ଶୁଣି ପରମାନନ୍ଦଙ୍କ ସହ ଜୁଲାଇ ମାସରେ ଯୋଗାଯୋଗ କରିଥିଲେ । ପରେ ପରମାନନ୍ଦ , ତାଙ୍କ ପୁଅ ପ୍ରୀତମ ବେହେରା ଓ କେତେ ଜଣ ସାଉଥ ବଲଣ୍ଡା ଦୂର୍ଗା ମଣ୍ଡପ ନିକଟକୁ ଆସି କାର୍ଟିକଙ୍କ ସହ ଆଲୋଚନା କରିବା ପରେ ଚାକିରି ଦେବାର ପ୍ରତିଶ୍ରୁତି ଦେଇ ନଗଦ ୫ ଲକ୍ଷ ଟଙ୍କା ନେଇ ଯାଇଥିଲେ । ତାର ୫-୬ ଦିନ ପରେ ସେମାନେ କାର୍ଟିକଙ୍କୁ ଏକ ଆପଏଣ୍ଟମେଣ୍ଟ ଲେଟର ଏବଂ ଡ୍ୟୁଟି ଲେଟର ମେଲ ଜରିଆରେ ପଠାଇଥିଲେ । ତେବେ କାରତିକ ଏହାକୁ ଯାଞ୍ଚ କରିବା ବେଳେ ଏହା ନକଲି ବୋଲି ଜାଣିବାକୁ ପାଇଥିଲେ । ଏହାପରେ ସେ ପରମାନନ୍ଦ , ତାଙ୍କ ପୁଅ ପ୍ରୀତମଙ୍କୁ ଯୋଗାଯୋଗ କରିଥିଲେ , ହେଲେ ଆଉ କୌଣସି ପ୍ରକାର ସହଯୋଗ ତାଙ୍କଠାରୁ ପାଇ ନଥିଲେ । ଏହାପରେ କାର୍ତ୍ତିକ ଥାନର ଦ୍ଵାରସ୍ଥ ହେବା ପରେ ପୁଲିସ ତଦନ୍ତ କରି ଉଭୟ ବାପା-ପୁଅଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । ତେବେ ତଦନ୍ତ ବେଳେ କାଣ୍ଡସର ଗାଁର ବିଜୟ କୁମାର ସାହୁ ଏହି ଘଟଣାର ମାଷ୍ଟରମାଇଣ୍ଡ ବୋଲି ପୁଲିସ ଜାଣିବାକୁ ପାଇଥିଲା । ଆଉ ଆଜି ଏହି ମାଷ୍ଟରମାଇଣ୍ଡ କୁହା ଯାଉଥିବା ବିଜୟ କୁମାର ସାହୁଙ୍କୁ ଗିରଫ କରିବା ସହ ତାଙ୍କର ପୁଅ ତଥା ଅନ୍ୟ ଜଣେ ସହଯୋଗୀ ଝସକେତନ ସାହୁକୁ ଗିରଫ କରି କୋର୍ଟ ଚାଲାଣ କରିଛି ।