ତାଳଚେର –  ଅନୁଗୁଳ ଜିଲ୍ଲା ତାଳଚେରର ଏକ ଟିଉଟୋରିଆଲରେ ବନ୍ଧକ ଥିବା ୬୨ ଜଣ ଛାତ୍ରଛାତ୍ରୀଙ୍କୁ ପୁଲିସ , ପ୍ରଶାସନ ସହାୟତାରେ ଉଦ୍ଧାର କରିଛି । ପୂର୍ବର ଫିସ ଦେଇ ନଥିବା ଯୋଗୁଁ ଏହି ଛାତ୍ରଛାତ୍ରୀଙ୍କୁ ହଷ୍ଟେଲରେ ବନ୍ଧକ ରଖି ଥିବା ବେଳେ ଘରକୁ ଛାଡୁ ନଥିବା ଅଭିଯୋଗ ହେବା ପରେ ଆଜି ସନ୍ଧ୍ୟାରେ ଏହି ଟିଉଟୋରିଆଲ ଉପରେ ଚଢ଼ାଉ ହୋଇଥିଲା । ତାଳଚେର ଥାନା ଅଧିକାରୀଙ୍କ ନେତୃତ୍ୱରେ ଏନଫୋର୍ସମେଣ୍ଟ ଟିମ ଓ ପୁଲିସ କୌଣସି ସୂତ୍ରରୁ ଖବର ପାଇ ଆଜି ରାତି ୮ ଟା ବେଳେ ଏହି ଆଇ ଲର୍ଣ୍ଣ (I Learn) ନାମକ ଟିଓଟୋରିଆଲରେ ଚଢ଼ାଉ କରିଥିଲା ।  ଚଢ଼ାଉ ବେଳେ ହଷ୍ଟେଲରେ ଥିବା ୪୫ ଜଣ ଛାତ୍ର ଓ ୧୭ ଜଣ ଛାତ୍ରୀଙ୍କୁ ଠାବ ଯାଇଛି । କୋଭିଡ ସମୟରେ ଏଭଳି ବେଆଇନ କାର୍ଯ୍ୟ କରୁଥିବା ଯୋଗୁଁ ଟିଓଟୋରିଆଲ ଉପରେ ୧ ଲକ୍ଷ ଟଙ୍କା ଜୋରିମାନା ମଧ୍ୟ କରା ଯାଇଥିବା ଜଣା ପଡ଼ିଛି । ତେବେ ରାତି ହୋଇଥିବାରୁ ଛାତ୍ରଛାତ୍ରୀ ମାନଙ୍କୁ ଆସନ୍ତା କଲି ଘରକୁ ପଠାଜୀବ ବୋଲି ଜଣା ପଡିଛି ।