ଭୁବନେଶ୍ଵର -(ANGULONLINE)- ଅନୁଗୁଳ ଜିଲ୍ଲା ମୁଖ୍ୟଚିକିତ୍ସାଧିକାରୀ ଅଭୟ କୁମାର ଦାସଙ୍କର ବଦଳି ହୋଇଛି । ତାଙ୍କୁ ବୌଦ୍ଧ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଭାବେ ବଦଳି କରା କରାଯାଇଥିବା ବେଳେ ବୌଦ୍ଧରେ କାର୍ଯ୍ୟରତ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ତ୍ରିଲୋଚନ ପ୍ରଧାନଙ୍କୁ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଭାବେ ଦାୟିତ୍ଵ ମିଳିଛି । ଅନୁଗୁଳ ସହର ହୁଲୁରିସିଙ୍ଗାର ବାସିନ୍ଦା ଡ଼ଃ ତ୍ରିଲୋଚନ ପ୍ରଧାନ ଅତୀତରେ ଅନୁଗୁଳ ସ୍ୱାସ୍ଥ୍ୟ ବିଭାଗର ବିଭିନ୍ନ ଗୁରୁତ୍ତ୍ୱପୂର୍ଣ୍ଣ ପଦବୀରେ ରହି କାର୍ଯ୍ୟ କରି ଆସିଛନ୍ତି । ଜିଲ୍ଲା ଯକ୍ଷ୍ମା ଅଧିକାରୀ ଭାବେ ଉଲ୍ଲେଖନୀୟ କାର୍ଯ୍ୟ କରିବା ସହ , ଜିଲ୍ଲା ମ୍ୟାଲେରିଆ ଅଧିକାରୀ , ଜିଲ୍ଲା ଜନସ୍ୱାସ୍ଥ୍ୟ ଅଧିକାରୀ , ଜିଲ୍ଲା ପରିବାର କଲ୍ୟାଣ ଓ ଟୀକାକରଣ ଅଧିକାରୀ , ଜିଲ୍ଲା କୁଷ୍ଠ ଅଧିକାରୀ ,ଅନୁଗୁଳ ମୁଖ୍ୟ ଚିକିତ୍ସାଳୟ ସୁପରିଡେଣ୍ଟ ଭାବେ କାର୍ଯ୍ୟ କରି ବେଶ ପ୍ରଶଂସା ସାଉଁଟିଛନ୍ତି । ଜଣେ ଦକ୍ଷ ସ୍ୱାସ୍ଥ୍ୟ ପ୍ରଶାସକ ଭାବେ ନିଜ ମାଟିକୁ ପୁଣି ଫେରି ଆସିଥିବାରୁ କର୍ମଚାରୀ ମହଲ ଓ ବୁଦ୍ଧିଜୀବୀରେ ଖୁସିର ଲହରୀ ଖେଳି ଯାଇଛି । ଖାସ କରି ଏବେ କରୋନା ସଂକ୍ରମଣ ଗ୍ରାଫ ଅଧିକ ବଢିଯିବା ଓ କୋଭିଡ ପରିଚାଳନାରେ ନାନା ଅବ୍ୟବସ୍ଥା ଥିବାରୁ ଏହା ସୁଧୁରି ଯିବ ବୋଲି ବୁଦ୍ଧିଜୀବୀ ଆଶା କରିଛନ୍ତି ।
Advertisement
