ଅନୁଗୁଳ – କରୋନା ମହାମାରୀ ସମୟରେ ଅନୁଗୁଳର ସ୍ଵେଚ୍ଛାସେବୀ ଅନୁଷ୍ଠାନ ଫାଉଣ୍ଡେସନ ଫର ଇକୋଲୋଜିକାଲ ସିକ୍ୟୁରିଟି ପକ୍ଷରୁ ରାସନ ସାମଗ୍ରୀ ବଣ୍ଟନ କରା ଯାଇଥିଲା । ହେମସୁରପଡା ପ୍ରିନ୍ସ କ୍ଲବ ଠାରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ବିଶେଷ ଭାବରେ କରୋନାର ଏହି ଦୁର୍ଦ୍ଦିନ ସମୟରେ ସମଯରେ ବାସ କରୁଥିବା ତୃତୀୟ ଲିଙ୍ଗ ଅନ୍ତର୍ଗତ ବ୍ୟକ୍ତି ବିଶେସ ମାନେ ନିଜର ରୋଜଗାର ହରାଇବାର ସହିତ ଲକଡାଉନ ଯୋଗୁଁ ଗୃହବନ୍ଦୀ ଭାବେ ରହୁଛନ୍ତି ।  ଏହାକୁ ଦୃଷ୍ଟିରେ ରାଖୀ ପ୍ରାୟ ୬୭ ଜଣ ତୃତୀୟ ଲିଙ୍ଗ ବିଶିଷ୍ଟ ବ୍ୟକ୍ତି ମାନଙ୍କୁ ଏଫଇଏସ ଅନୁଗୁଳ ତରଫରୁ ଚାଉଳ , ଚୂଡା , ତେଲ , ଚିନୀ , ଡାଲି ଆଳୁ , ପିଆଜ , ମସଲା ତଥା ସାବୁନ ଭଳି ମାସିକିଆ ଖାଦ୍ୟ ସାମଗ୍ରୀ ଯୋଗାଇ ଦିଆ ଯାଇଥିଲା । ଏହି କାର୍ଯ୍ୟକ୍ରମରେ ଏଫଇଏସ ଅନୁଷ୍ଠାନର ମୁଖ୍ୟ ସ୍ଵପ୍ନାଶ୍ରୀ ଷଡଙ୍ଗୀ ଏବଂ ଉପ-ଜିଲ୍ଲାପାଳ ବାସୁଦେବ ଶତପଥି ଉପସ୍ଥିତ ରହି ସମସ୍ତ ହିତାଧିକାରୀ ମାନଙ୍କୁ କରୋନା ସଚେତନତା କରାଇବା ସହ ଟୀକାକରଣ କରାଇବା ଏବଂ ଆଖପାଖ ଅଞ୍ଚଳକୁ ପରିଷ୍କାର ରଖିବାକୁ ପରାମର୍ଶ ଦେଇଥିଲେ ।