ମୁଖ୍ୟ ଖବର ଶାଳିଆପତନିକୁ ଗିଳି ନାଗ ମଲା Angul OnlineJuly 4, 2021July 4, 2021 ଅନୁଗୁଳ – ଖାଦ୍ୟ ଲୋଭରେ ଏକ ବଡ ଶାଳିଆପତନିକୁ ଗିଳି ଏକ ପାଞ୍ଚ ଫୁଟର ନାଗ ସାପର ମୃତ୍ୟୁ ହୋଇଛି । ଏଭଳି ଘଟଣା ଅନୁଗୋଳ ସହର ନିକଟସ୍ଥ କାଣ୍ଡସର ଗ୍ରାମରେ ଦେଖିବାକୁ ମିଳିଛି । ସୂଚନା ଅନୁସାରେ କାଣ୍ଡସର ଗ୍ରାମ ସ୍କୁଲସାହିର କିଛି ଯୁବକ ଗୋଟିଏ ବିଲେଇକୁ ସାପ ଗିଳୁଥିବାର ଦେଖି ଅନୁଗୋଳର ସର୍ପମିତ୍ର ଆଦିତ୍ୟ ବେହେରାଙ୍କୁ ଜଣାଇଥିଲେ । ଖବର ସର୍ପମିତ୍ର ଶ୍ରୀ ବେହେରା ଓ ସାଥୀ ବିଜୁ ଭୋଇ ଘଟଣାସ୍ଥଳରେ ପହଞ୍ଚି ଥିଲେ । ତେବେ ସେତେବେଳକୁ ଏହି ପାଞ୍ଚ ଫୁଟର ନାଗ ସାପ ମରି ସାରିଥିଲା । ସାପଟିର ପେଟ ଖୁବ ଜୋରରେ ଫୁଲିଯାଇଥିଲା । ସର୍ପମିତ୍ର ଶ୍ରୀ ବେହେରା ଘଟଣା ସମ୍ପର୍କରେ ଅନୁଗୁଳ ବନାଞ୍ଚଳ ଅଧିକାରୀ ସତ୍ୟବ୍ରତ ପ୍ରଧାନଙ୍କୁ ଜଣାଇଥିଲେ । ବନାଞ୍ଚଳ ଅଧିକାରୀଙ୍କ ନିର୍ଦ୍ଦେଶକ୍ରମେ ସାପଟିକୁ ଅନୁଗୁଳ ବନାଞ୍ଚଳ ଅଧିକାରୀଙ୍କ କାର୍ଯାଳୟକୁ ଅଣାଯାଇଥିଲା ଏବଂ ଅନୁଗୁଳ ବନାଞ୍ଚଳର ବନରକ୍ଷୀ ଲିଙ୍ଗରାଜ ଦେହୁରୀ ଓ ସର୍ପମିତ୍ର ଆଦିତ୍ୟ ବେହେରାଙ୍କ ଉପସ୍ଥିତିରେ ପ୍ରାଣୀ ଚିକିତ୍ସକ ଡାଃ. ଦେବାଶିଷ ତ୍ରିପାଠୀ ସାପଟିର ବ୍ୟବଚ୍ଛେଦ କରିଥିଲେ । ବ୍ୟବଚ୍ଛେଦ ପରେ ବିଲେଇ ପରିବର୍ତ୍ତେ ନାଗ ପେଟରୁ ଏକ ବଡ ଶାଳିଆପତନି ବାହାରିଥିଲା । ଖାଦ୍ୟର ପରିମାଣ ଅତ୍ୟଧିକ ହେତୁ ପାକସ୍ଥଳୀ ଓ ଫୁସଫୁସରେ ପ୍ରେସର ପଡିବାରୁ ସାପଟି ମରିଥିବା କଥା ପ୍ରାଣୀ ଚିକିତ୍ସକ ଡାଃ ତ୍ରିପାଠୀ କହିଛନ୍ତି । ବନ କର୍ମଚାରୀଙ୍କ ଦ୍ବାରା ଉଭୟ ସାପ ଓ ଶାଳିଆପତନୀଟିକୁ ପୋତି ଦିଆଯାଇଥିଲା । Advertisement
ଗ୍ୟାସ ଷ୍ଟୋଭ ମରାମତି ଦୋକାନରେ ଅଗ୍ନିକାଣ୍ଡ – ଲକ୍ଷାଧିକ ଟଙ୍କା ମୂଲ୍ୟର ସମ୍ପତ୍ତି ନଷ୍ଟ ଅନୁଗୁଳ – ଅନୁଗୁଳ ସହର ଶିକ୍ଷକପଡ଼ା ଇକୋ ପାର୍କ ସମ୍ମୁଖରେ ଥିବା ଏକ ଗ୍ୟାସ ଷ୍ଟୋଭ ମରାମତି ଦୋକାନରେ ଆଜି (ବୁଧବାର) ସନ୍ଧ୍ୟା ବେଳେ ଅଗ୍ନିକାଣ୍ଡ ଘଟି …
ପୋଖରୀରୁ ଇଟାଭାଟି ଶ୍ରମିକଙ୍କ ମୃତଦେହ ଉଦ୍ଧାର ଅନୁଗୁଳ- ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ବାହାଳସାହି ଗ୍ରାମରେ ଥିବା ଏକ ପୋଖରୀରେ ବୁଡି ଜଣେ ଇଟାଭାଟି ଶ୍ରମିକଙ୍କ ମୃତ୍ୟୁ ହୋଇଛି । ମୃତ ଶ୍ରମିକ ଜଣକ…
୫୫ ନମ୍ବର ଜାତୀୟ ରାଜପଥରେ ପୁଣି ଗଡ଼ିଲା ମୁଣ୍ଡ ଅନୁଗୁଳ – ଜାତୀୟ ରାଜପଥ ୫୫ ପୁଣି ନେଲା ଜୀବନ । ଅଜଣା ଗାଡି ଧକ୍କାରେ ଚାଲିଗଲା ବୃଦ୍ଧଙ୍କ ଜୀବନ । ମୃତକ କରଡାଗାଡ଼ିଆ ଗାଁର କାଶୀନାଥ…