ଅନୁଗୁଳ – ଅନୁଗୁଳ ଜିଲ୍ଲା ବଅଁରପାଳ ଥାନା ମହୀଧରପୁର ତଳମୂଳ ରାସ୍ତାର କାଦୁଛକ ନିକଟ ଆଜି ଦୁଇ ମୋଟରସାଇକେଲ ମୁହାଁମୁହିଁ ଧକ୍କା ହେବା ଫଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଚାରିଜଣ ଗୁରୁତର ହୋଇଛନ୍ତି । ସୂଚନା ଅନୁସାରେ ମହୀଧରପୁର ଆଡୁ ନୂଆହତା ଆଡକୁ ଯାଉଥିବା ଏକ ମୋଟରସାଇକେଲରେ ନୂଆହତା ଗ୍ରାମର ସିପୁନ ଧୀର ଓ ସୁବାସ ସାହୁ ଯାଉଥିବା ବେଳେ ତଳମୂଳ ଗ୍ରାମର ଲୁଲୁ କିଶୋର ବେହେରା, ଭାବଗ୍ରାହୀ ବେହେରା, ଉମାଶାଙ୍କର ବେହେରା ତଳମୂଳ ପଟରୁ ମହୀଧରପୁରକୁ ମୋଟରସାଇକେଲରେ ଯାଉଥିଲେ । ତେବେ କାଦୁଚ୍ଛକ ନିଆକତରେ ଉଭୟ ମୋଟରସାଇକେଲ ମୁହାଁ ମୁହିଁ ଧକ୍କା ହୋଇଥିଲା । ଫଳରେ ଘଟଣା ସ୍ଥଳରେ ଲୁଲୁ କିଶୋର ବେହେରାଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଚାରି ଜଣ ଗୁରୁତର ହୋଇଥିଲେ । ସ୍ଥାନୀୟ ଲୋକ ମୃତାହତ ମାନଙ୍କୁ ଘଟଣା ସ୍ଥଳରୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ । ତେବେ ଦୁର୍ଘଟଣା ପରେ ଘଟଣା ସ୍ଥଳରେ ଉତ୍ତେଜନା ଦେଖାଦେବା ସହ ପ୍ରାୟ ଏକ ଘଣ୍ଟା ଧରି ତଳମୂଳ ମହୀଧରପୁର ରାସ୍ତା ଗାଡ଼ି ଚଳାଚଳ ବନ୍ଦ ରହିଥିଲା । ଘଟଣା ସ୍ଥଳରେ ମହୀଧରପୁର ଫାଣ୍ଡି ପୁଲିସ ପହଞ୍ଚି ଲୋକଙ୍କୁ ବୁଝାସୁଝା କରିବା ପରେ ଗାଡି ଚଳାଚଳ ସ୍ଵଭାବିକ ହୋଇଥିଲା ।