ଅପରାଧ ବିପୁଳ ପରିମାଣର ଚୋରା ସ୍କ୍ରାପ ଜବତ – ୩ ଗିରଫ Angul OnlineAugust 21, 2021August 21, 2021 ଛେଣ୍ଡିପଦା – ଅନୁଗୁଳ ଜିଲା ଛେଣ୍ଡିପଦା ଥାନା ପୁଲିସ ପେଟ୍ରୋଲିଂ କରୁଥିବା ବେଳେ ଛେଣ୍ଡିପଦା-ଜରପଡା ରାସ୍ତାର ଶୁନଭୂଇଁ ନିକଟରୁ ଦୁଇଟି ଚୋରା ସ୍କ୍ରାପ ବୋଝେଇ ଗାଡି ଦୁଇଟିକୁ ଜବତ କରିବା ସହିତ ଏଥିରେ ସଂପୃକ୍ତ ୩ ଜଣଙ୍କୁ ଗିରଫ କରିଛି । ପୁଲିସ ସୂଚନା ଅନୁସାରେ , ପେଟ୍ରୋଲିଂ କରୁଥିବା ବେଳେ ଦୁଇଟି ସ୍କ୍ରାପ ବୋଝେଇ ଗାଡି ଜରପଡା ଜାତୀୟ ରାଜପଥ ପଥକୁ ଯାଉଥିବା ଖବର ମିଳିଥିଲା । ଏଥିପାଇଁ ପୁଲିସ ସଜାଗ ଥିବା ବେଳେ ଶୁନଭୁଇଁ ଛକ ଠାରେ ଏକ ବୋଲେରୋ ପିକଅପ(ଓଡି ୦୨ ଏସି ୮୩୧୩) ଓ ଟାଟା ମିନିଟ୍ରକ(ଓଡି ୧୯ ଏନ ୨୨୪୦) ଗାଡି ଦୁଇଟିକୁ ଅଟକାଇ ଯାଞ୍ଚ କରିଥିଲା । ଏହି ଯାଞ୍ଚ ବେଳେ ସେଥିରେ ବେଆଇନ ଭାବେ ଚୋରା ସ୍କ୍ରାପ ଚଲାଣ ହେଉଥିବା ଥିବା ଦେଖିବା ପରେ ପୁଲିସ ଉକ୍ତ ଦୁଇଟି ଜବତ କରାଇଥିଲା । ସେଥିରେ ମୋଟ ୮୦୧୦ କିଗ୍ରା ଚୋରା ସ୍କ୍ରାପ ଥିବା ଜଣା ପଡିଛି । ପୁଲିସ ଗାଡି ଦୁଇଟିକୁ ଜବତ କରିବା ସହିତ ଏଥିରେ ସପୃକ୍ତ ଗାଡି ଚାଳକଙ୍କ ସମେତ ୩ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ମାନେ ହେଲେ ହଣ୍ଡପା ଥାନା କୃଷ୍ଣପୁର ଗ୍ରାମର ସଦନ ପ୍ରଧାନ ,ଛେଣ୍ଡିପଦା ଥାନା ବାଗଡିଆ ଗାଁର କୈଳାଶ ସାହୁ ଓ ଜରପଡା ଥାନା ନାଉପଦା ଗାଁର ବିଜୟ ଶିଠ । ଏ ନେଇ ଛେଣ୍ଡିପଦା ପୁଲିସ ୩୮୫/୨୧ ଓ ୩୮୬/୨୧ରେ ଦୁଇଟି ମାମଲା ରୁଜୁ କରିବା ସହିତ ଗିରଫ ଅଭିଯୁକ୍ତ ମାଙ୍କଙ୍କୁ କୋର୍ଟ ଚାଲଣ କରିଛି । Advertisement
ପୁଲିସ କବଜାରେ ମୋଟରସାଇକେଲ ଚୋରି ଗ୍ୟାଙ୍ଗ ଅନୁଗୁଳ – ଅନୁଗୁଳ ପୁଲିସ କବଜାରେ ମୋଟରସାଇକେଲ ଲୁଟେରା । ଅନେକ ଦିନ ହେଲା ଅନୁଗୁଳ ସହରର ବିଭିନ୍ନ ସ୍ଥାନରୁ ମୋଟରସାଇକେଲ ଚୋରି ଅଭିଯୋଗ ହେଉଥିବା ବେଳେ…
୭ ଲକ୍ଷ ୪୦ ହଜାର ଟଙ୍କା ମୂଲ୍ଯର ବ୍ରାଉନସୁଗାର ଜବତ , ୪ ଗିରଫ ଅନୁଗୁଳ – ଅନୁଗୁଳ ଅବକାରୀ ବିଭାଗ ଶନିବାର ୭୪ ଗ୍ରାମ ବ୍ରାଉନସୁଗାର ଜବତ କରିବା ସହ ୪ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ମାନେ…
କ୍ରେଡ଼ିଟ୍ କାର୍ଡ଼ ଆକ୍ଟିଭ କରିବା ଆଳରେ ଟଙ୍କା ଲୁଟ ଅନୁଗୁଳ – ଅନୁଗୁଳ ଜିଲ୍ଲାରେ ପୁଣି ଜଣେ ବ୍ୟକ୍ତି ସାଇବର ଠକେଇର ଶିକାର ହୋଇଛନ୍ତି । କ୍ରେଡିଟ୍ କାର୍ଡ ଆକ୍ଟିଭ କରିବା ଆଳ ଦେଖାଇ ଜଣେ ବ୍ୟକ୍ତିଙ୍କ…