ମୁଖ୍ୟ ଖବର ନାଳରୁ ନରକଙ୍କାଳ ଉଦ୍ଧାର Angul OnlineSeptember 25, 2021September 25, 2021 ଅନୁଗୁଳ – ଅନୁଗୁଳ ଜିଲ୍ଲା ବନ୍ତଳା ଥାନା ଭୋକିଲାପାଳ ନିକଟରେ ଥିବା ବଉଳିନାଳ ନିକଟରୁ ଆଜି ଏକ ନର କଙ୍କାଳ ପଡିଥିବା ଦେଖିବାକୁ ମିଳିଥିଲା । ଏହି କଙ୍କାଳଟି ଗତ ୧୩ ତାରିଖରେ ନାଳରେ ଭାସି ଯାଇଥିବା ବାଘୁଆପାଟ ଗ୍ରାମର ନରେଶ ଗୋଛୟତଙ୍କର ବୋଲି ସନ୍ଦେହ କରା ଯାଉଛି । ସୂଚନା ଅନୁସାରେ ମଧୁପୁର ଗାଁର ପ୍ରଶାନ୍ତ ପ୍ରଧାନଙ୍କ ପାଖରେ ରହି ୬ ମାସ ହେଲା ବାଘୁଆପାଟ ଗ୍ରାମର ନରେଶ ଗୋଛୟତ ମଇଁଷି ଚରାଉଥିଲେ । ଗତ ୧୩ ତାରିଖରେ ସେ ମଇଁଷି ଚରାଇ ଫେରୁଥିବା ବେଳେ ଏହି ନାଳରେ ଭାସିଯାଇଥିଲେ । ଗାଁ ଲୋକ ତାଙ୍କୁ ଏହି ନାଳରେ ଖୋଜାଖୋଜି କରିଥିଲେ ମଧ୍ୟ ତାଙ୍କର କୌଣସି ପତ୍ତା ମିଳିନଥିଲା । ପରେ ଅନୁଗୁଳ ଦମକଳ ବାହିନୀ ଦୁଇଦିନ ଧରି ତାଙ୍କୁ ଖୋଜିଥିଲେ ମଧ୍ୟ ତାଙ୍କର କୌଣସି ଖୋଜ ଖବର ମିଳି ନଥିଲା । ଫଳରେ ମାଲିକ ପ୍ରଶାନ୍ତ ପ୍ରଧାନ ଏନେଇ ୧୪ ତାରିଖରେ ବନ୍ତଳା ଥାନାରେ ନରେଶଙ୍କ ନିଖୋଜ ସମ୍ପର୍କରେ ବନ୍ତଳା ଲିଖିତ ଅଭିଯୋଗ କରିଥିଲେ । ତେବେ ଆଜି ଭୋକିଲାପାଳ ଦେଇ ବୋହିଯାଉଥିବା ବଉଳିନାଳ ନିକଟ ବୁଦା ମୂଳରେ ଏକ ନର କଙ୍କାଳ ଠାବ ହୋଇଥିଲା । ଏହା ନରେଶଙ୍କର ହୋଇଥାଇ ପାରେ ବୋଲି ସ୍ଥାନୀୟ ଲୋକମାନେ ସନ୍ଦେହ କରିଥିଲେ । ଲୋକ ପୁଲିସକୁ ଏ ନେଇ ଖବର ଦେଇଥିଲେ ମଧ୍ୟ ଆଜି ପୁଲିସ ଯାଇ ନଥିବା ବେଳେ ଆସନ୍ତା କାଲି ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ କରିବ ବୋଲି ଜଣା ପଡିଛି । Advertisement
ଦୁର୍ଘଟଣାରେ ମହିଳା ମୃତ ଅନୁଗୁଳ – ଅନୁଗୁଳ ଜିଲ୍ଲା କାଙ୍ଗୁଲା ନିକଟରେ ଏକ ସଡକ ଦୁର୍ଘଟଣାରେ ଜଣେ ମହିଳାଙ୍କ ମୃତ୍ୟୁ ହୋଇଛି । ମୃତ ମହିଳା ଜଣଙ୍କ ସେହି ଗାଁର ଚାନ୍ଦ…
ଶତକ ତଳକୁ ଖସିଲା ଆକ୍ରାନ୍ତଙ୍କ ସଂଖ୍ୟା ଅନୁଗୁଳ – ଅନୁଗୁଳ ଜିଲ୍ଲାରେ ଦୈନିକ କରୋନା ସଂକ୍ରମଣଙ୍କ ସଂଖ୍ୟା ଶହେ ତଳକୁ ଖସିଛି । ଆଜି ଜିଲ୍ଲାରେ ମୋଟ ୯୩ ଜଣ କରୋନା ପଜିଟିଭ ଚିହ୍ନଟ…
ବହୁଚର୍ଚ୍ଚିତ ପ୍ରକାଶ ବେହେରା ହତ୍ୟାକାଣ୍ଡ ଘଟଣା – ମୁଖ୍ୟ ଅଭିଯୁକ୍ତ ଗିରଫ ଅନୁଗୋଳ – ଅନୁଗୋଳ ସହରର ହୁଲୁରିସିଂହା ବହୁଚର୍ଚ୍ଚିତ ପ୍ରକାଶ ବେହେରା ହତ୍ୟାକାଣ୍ଡ ଘଟଣାରେ ମୁଖ୍ୟ ଅଭିଯୁକ୍ତ ଗିରଫ । ଗିରଫ ଅଭିଯୁକ୍ତ ଜଣଙ୍କ ହେଲେ ହୁଲୁରିସିଂହା ଘାସିସାହିର…