ଛେଣ୍ତିପଦା – ଅନୁଗୁଳ ଜିଲ୍ଲା ଛେଣ୍ତିପଦା ଥାନା ଅନ୍ତର୍ଗତ କୁକୁରପେଟା ଧୁବାମଳିହା ଜଙ୍ଗଲ ନିକଟରେ ଅଜଣା ଗାଡି ଧକ୍କାରେ ଜଣେ ସାଇକଲ ଆରୋହିଙ୍କର ମୃତ୍ୟୁ ହୋଇଛି । ମୃତକ ଜଣଙ୍କ ହେଲେ କୁକୁରପେଟା ଗ୍ରାମର ବିଦ ପ୍ରଧାନ । ସେ ଆଜି ଅପରାହ୍ନ ୩ ଟା ସମୟରେ ନିଜଘର କୁକୁରପେଟାରୁ ଏକ ସାଇକେଲରେ ୨୦ ମାଇଲ ଛକକୁ ଆସୁଥିବା ବେଳେ ପଛରୁ କୌଣସି ଅଜଣା ଗାଡି ଧକ୍କା ଦେଇ ଫେରାର ହୋଇ ଯାଇଥିଲା । ଫଳରେ ବିଦ ପ୍ରଧାନଙ୍କ ଘଟଣା ସ୍ଥଳରେ ମୃତ୍ୟୁ ହୋଇ ଥିଲା । ପରିବାର ଲୋକେ ପହଞ୍ଚି ବିଦଙ୍କ ମୃ୍ତ୍ୟୁ ହୋଇଥିବା ଦେଖି ଛେଣ୍ତିପଦା ପୁଲିସକୁ ସୂଚନା ଦେଇଥିଲେ । ଛେଣ୍ତିପଦା ପୁଲିସ ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ କରୁଛି ।