ଅନୁଗୁଳ – ଅନୁଗୁଳ ଜିଲ୍ଲା ଇନ୍ସପେକ୍ଟର ସ୍ତରରେ ସାମାନ୍ୟ ଅଦଳବଦଳ କରା ଯାଇଛି । କିଛି ଦିନ ପୂର୍ବରୁ ଅନୁଗୁଳ ଥାନା ଅଧିକାରୀ ରମେଶ ଚନ୍ଦ୍ର ବିଶୋଇଙ୍କୁ ଅନୁଗୁଳ ଥାନାରୁ ତାଳଚେର ବଦଳି କରା ଯାଇଥିବା ବେଳେ ତାଳଚେର ଥାନା ଅଧିକାରୀ ସତ୍ୟବ୍ରତ ରାଉତଙ୍କୁ ଅନୁଗୁଳ ଥାନା ଦାୟିତ୍ଵ ଦିଆ ଯାଇଥିଲା । ତେବେ ଏହା ଭିତରେ ରମେଶ ଚନ୍ଦ୍ର ବିଶୋଇଙ୍କର ପଦୋନ୍ନତି ହୋଇ ଯାଇଥିବା ବେଳେ ଅନ୍ୟ ଜିଲ୍ଲାକୁ ବଦଳି ହୋଇ ଯାଇଛି । ଏହା ପରେ ଆଜି ଅନୁଗୁଳ ଏସପି ଜଗମୋହନ ମୀନା ଆଜି ଆଉ ଏକ ବଦଳି ନିର୍ଦେଶ ଜାରି କରିଛନ୍ତି । ଏହି ନିର୍ଦେଶ ଅନୁସାରେ ତାଳଚେର ଥାନା ଅଧିକାରୀ ସତ୍ୟବ୍ରତ ରାଉତଙ୍କୁ ଅନୁଗୁଳ ସଦର ଥାନାକୁ ବଦଳି କରା ଯାଇଥିବା ବେଳେ ଅନୁଗୁଳ ସଦର ଥାନା ଅଧିକାରୀ ପ୍ରଭାତ କୁମାର ତ୍ରିପାଠୀଙ୍କୁ ଅନୁଗୁଳ ଥାନାକୁ ବଦଳି କରା ଯାଇଛି । ସେହିଭଳି ହେଡକ୍ଵାଟରରେ ଥିବା ଇନ୍ସପେକ୍ଟର ଶ୍ରୀନିବାସ ସେଠୀଙ୍କୁ ତାଳଚେର ଥାନା ଦାୟିତ୍ଵ ଦିଆ ଯାଇଛି ।