ଆଠମଲ୍ଲିକ – ଅନୁଗୁଳ ଜିଲ୍ଲା କିଶୋରନଗର ଥାନା ଅନ୍ତର୍ଗତ ଆମ୍ବପାଳ ଗ୍ରାମରେ ଆଜି ଏକ ଚଳନ୍ତା ମାଲବାହୀ ଅଟୋରେ ଅଗ୍ନିକାଣ୍ଡ ଘଟିବା ଫଳରେ ସେଥିରେ ବୋଝେଇ ହୋଇଥିବା ଧାନବିଡା ସବୁ ଜଳି ଯାଇଛି । ସୂଚନା ଅନୁସାରେ ଜଣେ ଚାଷୀ ବିଲରୁ ଧାନବିଡା ସଂଗ୍ରହ କରି ଏକ ମାଲବାହୀ ଅଟୋରେ ବୋଝେଇ କରି ଖଳାକୁ ନେଉଥିଲେ । ତେବେ ଜାତୀୟ ରାଜପଥ ୫୫ ରେ ଯାଉଥିବା ବେଳେ ଆମ୍ବପାଳ ନିକଟରେ ହଠାତ ଧାନବିଡାରେ ନିଆଁ ଲାଗି ଯାଇଥିଲା । ଦେଖୁ ଦେଖୁ ହୁତୁହୁତୁ ହୋଇ ଧାନବିଡା ସବୁ ଜଳି ଯାଇଥିଲା । ସ୍ଥାନୀୟ ଲୋକ ନିଆଁଙ୍କୁ ଆୟତ କରିବାକୁ ଚେଷ୍ଟା କରିବା ସହ ଅଗ୍ନିଶମ ବିଭାଗକୁ ସୂଚନା ଦେଇଥିଲେ । ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ନିଆଙ୍କୁ ଆୟତ କରିଥିଲା । ସୌଭାଗ୍ୟ ବଶତଃ ଗାଡିରେ ଥିବା ଚାଳକ ଓ ଅନ୍ୟ ଜଣେ ବର୍ତ୍ତୀ ଯାଇଥିଲେ ।