ଅନୁଗୁଳ – ଅନୁଗୁଳ ଜିଲ୍ଲା ଆଠମଲ୍ଲିକ ନିର୍ବାଚନ ମଣ୍ଡଳୀର ୭ ନମ୍ବର ଜିଲ୍ଲା ପରିଷଦ ଜୋନର ବିଜେଡି ପ୍ରାର୍ଥୀନୀ ବବିତା କର୍ଣଙ୍କର ତିନୋଟି ସନ୍ତାନ ଥିବାରୁ ସେ ଓଡିଶା ଗ୍ରାମ ପଞ୍ଚାୟତ ଆଇନ ୨୫ ଭି ଅନୁସାରେ ପ୍ରତିଦ୍ବନ୍ଦିତା କରିବା ପାଇଁ ଅଯୋଗ୍ୟ ଦର୍ଶାଇ ତାଙ୍କର ପ୍ରତିଦ୍ବନ୍ଦୀ ବିଜେପି ପ୍ରାର୍ଥୀନୀ ଦୀପିକା ଦେହୁରୀ ଆଜି ଆଠମଲ୍ଲିକ ଉପ-ଜିଲ୍ଲାପାଳଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି । ଆରଟିଆଇ ତଥ୍ୟ ଅନୁସାରେ ବବିତା କର୍ଣ ଙ୍କର ପ୍ରଥମ ସନ୍ତାନ ଝିଅ ୨୧/୪/୧୯୯୮, ଦ୍ୱିତୀୟ ସନ୍ତାନ ଝିଅ ୨୫/୦୨/୨୦୦୦ ଏବଂ ତୃତୀୟ ସନ୍ତାନ ପୁଅ ୧୬/୦୬/୨୦୦୨ ରେ ଜନ୍ମ ଗ୍ରହଣ କରିଛନ୍ତି । ଓଡିଶା ଗ୍ରାମ ପଞ୍ଚାୟତ ଆଇନ ଧାରା ୨୫ ଭି ଅନୁସାରେ ସେ ପ୍ରାର୍ଥୀ  ନିର୍ବାଚନରେ ପ୍ରତିଦ୍ବନ୍ଦିତା କରିବା ପାଇଁ ଅଯୋଗ୍ୟ ଅଟନ୍ତି । ତାଙ୍କର ନାମାଙ୍କନ ପତ୍ରକୁ ନିୟମ ଅନୁସାରେ ଅଯୋଗ୍ୟ ଘୋଷଣା କରିବା ପାଇଁ ତାଙ୍କର ପ୍ରତିଦ୍ବନ୍ଦୀ ଦୀପିକା ଦେହୁରୀ ଦାବୀ କରିଛନ୍ତି । ତେବେ ଏହି ଅଭିଯୋଗକୁ ନେଇ ବର୍ତ୍ତମାନ ସୁଦ୍ଧା ଆଠମଲ୍ଲିକ ଉପ-ଜିଲ୍ଲାପାଳ ତଥା ନିର୍ବାଚନ ଅଧିକାରୀ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନାହାନ୍ତି କି ପ୍ରାର୍ଥୀପତ୍ର କାଏମ ରହିବ ନା ନାହିଁ ସେ ନେଇ ମଧ୍ୟ କୌଣସି ସୂଚନା ଦେଇ ନାହାଁନ୍ତି ।