adv

ଅନୁଗୁଳ – ଅନୁଗୁଳ ଜିଲ୍ଲା ନାଲକୋ ଥାନା ପୁଲିସ ବୁଧବାର ଚୋରି ଅଭିଯୋଗରେ ଜଣେ ଡେଲିଭରି ବୟଙ୍କୁ ଗିରଫକରି କୋର୍ଟ ଚାଲାଣ କରିଛି । ସୂଚନା ଅନୁସାରେ, ଅନୁଗୁଳ ଡେଲିଭରି ଡଟ୍ କମ୍ ନାମକ ଏକ ସଂସ୍ଥାର ସହକାରୀ ସିକ୍ୟୁରିଟି ଅଧିକାରୀ ବିଭୁତି ଭୂଷଣ ମହାକୁଡ଼ ମଙ୍ଗଳବାର ଅମିତ ବାଦି ନାମକ ତାଙ୍କର ଜଣେ ଡେଲିଭରି ବୟ ଗୋଟିଏ ମୋବାଇଲ ଫୋନ୍ ଓ ଏକ ସ୍ମାର୍ଟ ୱାଚ୍ ନେଇ ଫେରାର ହୋଇଯାଇଥିବା ନାଲକୋ ଥାନାରେ ଲିଖିତ ଅଭିଯୋଗ କରିଥିଲେ । ଏହି ଅଭିଯୋଗ ପାଇ ପୁଲିସ ଏକ ମାମଲା ରୁଜୁକରି ତଦନ୍ତ କରିବା ସହ ଅଭିଯୁକ୍ତ ଡେଲିଭରି ବୟ ଅମିତଙ୍କୁ ତାଙ୍କ ଗାଁ ଦେବଗଡ଼ ଜିଲ୍ଲା ରିଆମାଳ ଥାନା ଅନ୍ତର୍ଗତ ତିଲେଇମୁଣ୍ଡା ଗାଁରୁ ଗିରଫ କରିଥିଲା । ତା ନିକଟରୁ ଚୋରୀ ମୋବାଇଲ ଫୋନ ଓ ସ୍ମାର୍ଟ ୱାଚକୁ ଜବତ କରା ଯାଇଥିବା ପୁଲିସ ପକ୍ଷରୁ ସୂଚନା ମିଳିଛି ।