ଆଠମଲ୍ଲିକ – ପୌର ନିର୍ବାଚନ ବେଳେ ଟଙ୍କା ବାଣ୍ଟୁଥିବା ଅଭିଯୋଗରେ ପୁଲିସ ଜଣେ ସାମ୍ବାଦିକଙ୍କୁ ଅଟକ ରଖିଛି । ସୂଚନା ଅନୁସାରେ ଅନୁଗୁଳ ଜିଲ୍ଲା ଆଠମଲ୍ଲିକରେ ଆଜି ପୌରନିର୍ବାଚନର ମତଦାନ ଚାଲି ଥିବା ସମୟରେ ଜଣେ ସାମ୍ବାଦିକ ଭୋଟରଙ୍କୁ ଟଙ୍କା ବାଣ୍ଟୁ ଥିବା ସମୟରେ ସ୍ଥାନୀୟବାସୀଙ୍କ ହାତରେ ଧରା ପଡିଥିଲେ । ଆଠମଲ୍ଲିକ ଉର୍ଦୁ ପ୍ରାଥମିକ ବିଦ୍ୟାଳୟରେ ୱାର୍ଡ ନମ୍ବର ୨ ଏବଂ ୩ ର ମତଦାନ ହେଉଥିବାବେଳେ ଏହି ବୁଥର ଏକ ଶହ ମିଟର ପରିସୀମା ଭିତରେ ନିପିଲଇର ଜଣେ ସାମ୍ବାଦିକ ବିଶ୍ଵବର ବେହେରାଙ୍କୁ ସ୍ଥାନୀୟବାସୀ ଟଙ୍କା ବଣ୍ଟନ କରୁଥିବା ସମୟର ଧରି ପୁଲିସର ଜିମାରେ ଦେଇଥିଲେ । ଜାଞ୍ଚ ବେଳେ ତାଙ୍କ ନିକଟରୁ ଦଶହଜାର ଟଙ୍କା ମଧ୍ୟ ମିଳିଥିବାର ପୁଲିସ ପ୍ରକାଶ କରିଛି ।