ଆଞ୍ଚଳିକ ରାଷ୍ଟ୍ରୀୟ ନବବର୍ଷ ପାଳନ ପାଇଁ ପ୍ରସ୍ତୁତି Angul OnlineMarch 31, 2022March 31, 2022 ଅନୁଗୁଳ – ଅନୁଗୁଳ ରାଷ୍ଟ୍ରୀୟ ନବବର୍ଷ ପାଳନ ସମିତି ଆସନ୍ତା ୨ ତାରିଖ ଚୈତ୍ରଶୁକ୍ଳ ପ୍ରତିପଦା ଦିନ ଭାରତୀୟ(ରାଷ୍ଟ୍ରୀୟ)ନବବର୍ଷ ପାଳିବାକୁ ଯାଉଛି । ପୂର୍ବାହ୍ନ ୫ ଘଟିକା ସମୟରେ ଜଗନ୍ନାଥ ମନ୍ଦିର ପ୍ରାଙ୍ଗଣରେ ସୂର୍ଯ୍ୟ ପୂଜା ସହିତ ୧୦୮ ସାମୁହିକ ପ୍ରଦୀପ ପ୍ରଜ୍ଜଳନ ପୂର୍ବକ ନବବର୍ଷକୁ ସ୍ବାଗତ କରାଯିବ । ଏଥିସହିତ ସାମୁହିକ ହନୁମାନ ଚାଳିଶା ପାଠ ଓ ବିଷ୍ଣୁସହସ୍ରନାମ ପାଠ ହେବ । ପରେ ପରେ ସନ୍ଧ୍ୟା ୬ ଘଟିକା ସମୟରେ ଏକ ଧର୍ମସଭା ଜଗନ୍ନାଥ ମନ୍ଦିର ବେଦଭବନଠାରେ ଅନୁଷ୍ଠିତ ହେବ । ଏହି ଦିନ ପୂର୍ବ ଦିବସ ଠାରୁ ସମସ୍ତ ଭାରତୀୟ ନିଜ ନିଜ ଗୃହର ପ୍ରାଙ୍ଗଣ ଗୋମୟରେ ଲିପି ଝୋଟି ଚିତା ମୁରୁଜରେ ଚିତ୍ରିତ କରିବା ସହିତ ପୂର୍ଣ୍ଣ କୁମ୍ଭ ଆମ୍ବ ତୋରଣ କଦଳୀ ଗଛ ଇତ୍ୟାଦି ସ୍ଥାପନ ପୂର୍ବକ ସପରିବାର ନବବର୍ଷକୁ ସ୍ବାଗତ କରିବାକୁ ସମିତି ତରଫରୁ ଆହ୍ଵାନ ଦିଆଯାଇଛି । ଏନେଇ ପାଳନ ସମିତିର ଅଧ୍ୟକ୍ଷ ହେମନ୍ତ କୁମାର ଦାଶଙ୍କ ଅଧ୍ୟକ୍ଷତାରେ ବେଦଭବନଠାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ଜିଲ୍ଲାର ବିଭିନ୍ନ ସାମାଜିକ ତଥା ଆଧ୍ୟାତ୍ମିକ ଅନୁଷ୍ଠାନର ସଦସ୍ୟଙ୍କ ସମେତ ଆଦିତ୍ୟ ବାହିନୀ ପୀଠ ପରିଷଦର ରାଜ୍ୟ ସଚ୍ଚିବ ଡଃ ରୋହିତ କୁମାର ଦାଶ,ଆଦିତ୍ୟ ବାହିନୀ ଜିଲ୍ଲା ସମ୍ପାଦକ ଲଳିତ ମୋହନ ଦାଶଙ୍କ ସହିତ ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ ଉପସ୍ଥିତ ଥିଲେ । Advertisement
ରାଷ୍ଟ୍ରୀୟ ନବବର୍ଷ ପାଳିତ ଅନୁଗୁଳ – ରାଷ୍ଟ୍ରୀୟ ନବବର୍ଷ ପାଳନ ସମିତି ଅଆନୁକୂଲ୍ୟରେ ସ୍ଥାନୀୟ ଜଗନ୍ନାଥ ମନ୍ଦିର ବେଦଭବନଠାରେ ରାଷ୍ଟ୍ରୀୟ ନବବର୍ଷ ପାଳିତ ହୋଇଯାଇଛି । ଗୋବର୍ଦ୍ଧନ ମଠ ପୂରୀ ସନାତନ…
ଜାତୀୟ ପ୍ରେସ ଦିବସ ପାଳନ ପାଇଁ ପ୍ରସ୍ତୁତି ବୈଠକ – ବିଭିନ୍ନ କ୍ଷେତ୍ରର ବ୍ୟକ୍ତିତ୍ୱ ହେବେ ସମ୍ବର୍ଦ୍ଧିତ ତାଳଚେର – ଚଳିତ ବର୍ଷ ଜାତୀୟ ପ୍ରେସ ଦିବସ ପାଳନ ପାଇଁ ତାଳଚେର ୱାର୍କିଙ୍ଗ ଜର୍ଣାଲିଷ୍ଟସ୍ ଆସୋସିଏସନ୍ ତରଫରୁ ଶୁକ୍ରବାର ଦେଉଳବେଡାସ୍ଥିତ ମଙ୍ଗଳମ ଅଫିସର୍ସ କ୍ଳବରେ ଏକ…
ଧରମପୁର ଉପ ସ୍ୱାସ୍ଥ୍ୟ କେନ୍ଦ୍ରକୁ ଜିଲ୍ଲା ସ୍ତରୀୟ କାୟାକଳ୍ପ ଦଳ ପରିଦର୍ଶନ ତାଳଚେର – ଅନୁଗୁଳ ଜିଲ୍ଲା ତାଳଚେର ବ୍ଲକ ଅନ୍ତର୍ଗତ ଧରମପୁର ଉପ ସ୍ୱାସ୍ଥ୍ୟ କେନ୍ଦ୍ରକୁ ଜିଲ୍ଲା ସ୍ତରୀୟ କାୟାକଳ୍ପ ଦଳ ପରିଦର୍ଶନରେ ଆସିଥିଲେ । ସେମାନେ ସ୍ୱାସ୍ଥ୍ୟ…