ଅନୁଗୁଳ – ଅନୁଗୁଳ ଜିଲ୍ଲାର ଜଣେ ଓକିଲଙ୍କୁ ଆକ୍ରମଣ କରିଥିବା ଅଭିଯୋଗରେ ପୁଲିସ ୬ ଜଣଙ୍କୁ ଗିରଫ କରିଛି । ପୁଲିସ ସୂଚନା ଅନୁସାରେ, ଅନୁଗୁଳ ସଦର ଥାନା ଶରଧାପୁର ଗାଁ ନିକଟରେ ଓଭରଟେକକୁ କେନ୍ଦ୍ର କରି ଓକିଲ ଦିବ୍ୟଦର୍ଶୀଙ୍କ ସହ ଶରଧାପୁରର କିଛି ଯୁବକଙ୍କର ଗଣ୍ଡଗୋଳ ହୋଇଥିଲା । ପରେ ଏହି ଯୁବକମାନେ ଓକିଲଙ୍କୁ ଆକ୍ରମଣ କରିଥିଲେ । ଏନେଇ ଓକିଲ ଅନୁଗୁଳ ସଦର ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ଆଧାରରେ ପରେ ପୁଲିସ ୨୭୪/୨୨ରେ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲା । ତଦନ୍ତ ବେଳେ ଏହି ଘଟଣାରେ ଶରଧାପୁରର ଅକ୍ଷୟ ସାହୁ , ଅଷ୍ଟମ ସାହୁ , ବରୁଣ ସାହୁ , ଗୋପୀନାଥ ସାହୁ , ପ୍ରଦୀପ ରଂଜନ ସାହୁ ସିଲୁ ସାହୁ ସମ୍ପୃକ୍ତ ଥିବା ଜାଣିବାକୁ ପାଇବା ପରେ ପୁଲିସ ସେମାନଙ୍କୁ ଗିରଫ କରି କୋର୍ଟ ଚାଲାଣ କରିଛି ବୋଲି ପୁଲିସ ସୂଚନା ଦେଇଛି ।