ଛେଣ୍ଡିପଦା  – ଅନୁଗୁଳ ଜିଲ୍ଲା ଛେଣ୍ଡିପଦା ବ୍ଲକ ଶିମିଳିପାଳ ପଞ୍ଚାୟତ ଉଚ୍ଚ ବିଦ୍ୟାଳୟରେ ପରୀକ୍ଷା ଚାଲିଥିବା ବେଳେ କାର୍ଯ୍ୟରେ ଅବହେଳା ନେଇ ଜଣେ ଶିକ୍ଷକ ନିଲମ୍ବିତ ହୋଇଛନ୍ତି । ସୂଚନା ଅନୁସାରେ ଶିମିଳିପାଳ ପଞ୍ଚାୟତ ଉଚ୍ଚ ବିଦ୍ୟାଳୟରେ ଦଶମ ପରୀକ୍ଷା ଚାଲିଥିଲା । ଏହି ପରୀକ୍ଷା ସମୟରେ ଅନୁଗୁଳ ଜିଲ୍ଲା ଅତିରିକ୍ତ ଶିକ୍ଷା ଅଧିକାରୀ ଅଜୟ କୁମାର ପାତ୍ର ପରିଦର୍ଶନରେ ଯାଇଥିଲେ । ସେହି ସମୟରେ ପରୀକ୍ଷା ପରିଚାଳନା ଦାୟିତ୍ବରେ ରହିଥିବା ଶିକ୍ଷକ ଟିକନ ଦେହୁରୀ ଅନୁପସ୍ଥିତ ରହିଥିଲେ । ଏ ନେଇ ଅତିରିକ୍ତ ଶିକ୍ଷଅଧିକାରୀଙ୍କ ରିପୋର୍ଟ ଅନୁଯାୟୀ  ଶିକ୍ଷକ ଟିକନ ଦେହୁରୀ କାର୍ଯ୍ୟରେ ଅବହେଳା କରିଥିବା ନେଇ ନିଲମ୍ବିତ କରାଯାଇଛି  ।