ଅନୁଗୁଳ – ଆଜି ବିଶ୍ଵ ମାତୃ ଦିବସ । ହେଲେ ଏହି ମାତୃ ଦିବସରେ ଜଣେ ମା‘ ତାର ନବଜାତ ଶିଶୁ କନ୍ୟାକୁ ଫୋପାଡି ଦେଇ ଚାଲିଯିବା ଘଟଣା ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି । ଅନୁଗୁଳ ଜିଲ୍ଲା ବନ୍ତଳା ଥାନା ପୋକତୁଙ୍ଗା ଗ୍ରାମର ରଗୁଡିତଇଳା ଅଞ୍ଚଳକୁ ଆଜି ସକାଳେ ଚାଷ କରିବାକୀ ଗାଁର କିଛି ଚାଷୀ ଯାଇଥିଲେ । ତେବେ ଦିନ ପ୍ରାୟ ୧୦ଟା ବେଳକୁ ଘରକୁ ଫେରୁଥିବା ବେଳେ ଏକ ବୁଦା ମୂଳେ ନବଜାତ ଶିଶୁର କାନ୍ଦିବା ଶବ୍ଦ ଶୁଣି ସେଠାରେ ଯାଇଥିଲେ । ସେଠାରେ ଏକ ନବଜାତ ଶିଶୁ କନ୍ୟା ଦେଖି ଗ୍ରାମର ଲୋକମାନେ ସେଠାରେ ପହଞ୍ଚି ଶିଶୁଟିର ଯତ୍ନ ନେଇଥିଲେ । ତେବେ କୌଣସି କୁମାରୀ ଝିଅ ମାତୃତ୍ୱ ଲାଭ ପରେ ଲୋକ ଲଜ୍ଜାରେ ଶିଶୁଟିକୁ ସେଠାରେ ପକାଇ ଚାଲିଯାଇଥିବା ବୋଲି ସ୍ଥାନୀୟ ଲୋକମାନେ ସନ୍ଦେହ କରୁଛନ୍ତି । ଅନ୍ୟ ପକ୍ଷରେ ଆଜି ଭଳି ଦିନରେ ଜନ୍ମ ଦେଇଥିବା ମାଆ ନିଜର ମାନବିକତା ଭୁଲିଯାଇ ଏଭଳି କାର୍ଯ୍ୟ କରିବା ଘଟଣାକୁ ସମସ୍ତେ ନିନ୍ଦା କରିଛନ୍ତି । ତେବେ ଘଟଣାସ୍ଥଳରେ ଶିଶୁଟିକୁ ଚାଇଲଡ଼ ଲାଇନ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି ।
Advertisement
