ଅନୁଗୁଳ – ଅନୁଗୁଳ ଜିଲ୍ଳା ଖାଦ୍ୟ ନିରାପତ୍ତା ବିଭାଗ ପକ୍ଷରୁ ଗୁରୁବାର ବସ ଷ୍ଟାଣ୍ଡ , ବଜାର , ଅମଲାପଡ଼ା ତଥା ଏହାର ଆଖପାଖରେ ଖୋଲିଥିବା ବିଭିନ୍ନ ଚା , ଜଳଖିଆ , ଲସି ଦୋକାନ ଉପରେ ଚଢ଼ାଉ କ୍ରାଯାଇଥିଲା । ଚଢାଉ ବେଳେ ଏହି ସବୁ ସ୍ଥାନରେ ବିକ୍ରି ହେଉଥିବା ଖାଦ୍ୟ ସାମଗ୍ରୀର ମାନ ଯାଞ୍ଚ କରିବା ସହ ଫୁଡ଼ ଲାଇସେନ୍ସ ଜାଞ୍ଚ କରା ଯାଇଥିଲା । ଯେଉଁ ମାନେ ଲାଇସେନ୍ସ କରି ନାହାନ୍ତି ସେମାନଙ୍କୁ ଲାଇସେନ୍ସ କରିବାକୁ ପରାମର୍ଶ ଦିଆ ଯାଇଥିଲା । ଯେଉଁ ଦୋକାନୀ ମାନେ ପୂର୍ବରୁ ତାଗିଦ ସତ୍ୱେ ଲାଇସେନ୍ସ କରିନଥିଲେ ତଥା ଅସ୍ଵାସ୍ଥ୍ୟକର ଓ ଅପରିଷ୍କାର ପରିବେଶରେ ଖାଦ୍ୟ ବିକ୍ରି କରୁଥିଲେ ସେମାନଙ୍କ ଠାରୁ ଜୋରିମାନା ଆଦାୟ କରାଯାଇଥିଲା । ଜିଲ୍ଳା ଅତିରିକ୍ତ ଜନ ସ୍ଵାସ୍ଥ୍ୟ ଅଧିକାରୀ ଡା ଧନଞ୍ଜୟ ବେହେରା , ଖାଦ୍ୟ ନିରାପତ୍ତା ଅଧିକାରୀ ହରପ୍ରିୟା ବେହେରାଙ୍କ ନେତୃତ୍ତ୍ୱରେ ଏହି ଚଢ଼ାଉ କରାଯାଇଥିଲା ।