ଅପରାଧ କେନ୍ଦୁପତ୍ର ଚୋରା ଚାଲାଣ ବେଳେ ଗୋଡାଇ ଗୋଡାଇ ଧରିଲା ବନ ବିଭାଗ Angul OnlineJune 4, 2022June 4, 2022 ଅନୁଗୁଳ – ଅନୁଗୁଳ ଜିଲ୍ଲା ଛେଣ୍ଡିପଦା ବ୍ଲକ୍ ଅନ୍ତର୍ଗତ କୋଶଳା ଗ୍ରାମ ନିକଟରେ ଗତକାଲି ରାତ୍ରୀ ୩ ଟା ବେଳେ ବିଶେଷ ସୂତ୍ରରୁ ଖବର ପାଇ ଛେଣ୍ଡିପଦା ବନବିଭାଗ ଏକ କେନ୍ଦୁପତ୍ର ବୋଝେଇ ପିକ୍ ଅପ୍ ଭ୍ୟାନ୍ କୁ ଧରିବାରେ ସଫଳ ହୋଇଛି । ସୂଚନା ଅନୁସାରେ ଦୁଇଟି ପିକ୍ ଅପ୍ ଭ୍ୟାନ୍ ଗତକାଲି ରାତିରେ କଣିହାଁ ଅଞ୍ଚଳରୁ ବ୍ରାହ୍ମଣବିଲ୍ ଦେଇ ବାହାରକୁ କେନ୍ଦୁପତ୍ର ଚାଲାଣ ହେଉଥିବା ବନ ବିଭାଗ ଖବର ପାଇଥିଲା । ଏଥିପାଇଁ ବାଟରେ ବନ ବିଭାଗ ଛକି ରହି ଗାଡିକୁ ଅଟକାଇବାକୁ ଚେଷ୍ଟା କରିଥିଲା । ତେବେ ବନ ବିଭାଗକୁ ଦେଖି ଉଭୟ ଗାଡି ଫେରାର ହୋଇ ଯିବାକୁ ଚେଷ୍ଟା କରିଥିଲେ । ଛେଣ୍ଡିପଦା ବନବିଭାଗ ଗାଡ଼ିକୁ ପିଛା କରି କୋଶଳା ଗ୍ରାମ ନିକଟରେ ଗୋଟିଏ କେନ୍ଦୁପତ୍ର ବୋଝେଇ ଗାଡ଼ିକୁ ଅଟକାଇବାକୁ ସଫଳ ହୋଇଥିଲା । ଅନ୍ୟ ଗାଡି ଟି ଫେରାର ହୋଇଥିବା ଜଣା ପଡିଛି । ଛେଣ୍ଡିପଦା ବନବିଭାଗ ଜବତ ଗାଡିକୁ କାର୍ଯ୍ୟାଳୟକୁ ଆଣି ଯାଞ୍ଚ କରିବା ବେଳେ ଗାଡ଼ିରେ ୨୩୫ ପ୍ୟାକେଟ କେନ୍ଦୁପତ୍ର ଥିବା ଦେଖିବାକୁ ମିଳିଥିଲା । ଏହି ଗାଡିର ଚାଳକ ମଧ୍ୟ ଫେରାର ହୋଇ ଯାଇଥିବା ବେଳେ ବନ ବିଭାଗ ଅଧିକ ତଦନ୍ତ କରୁଛି । Advertisement
ପ୍ରେମିକାର ଫଟୋ ଓ ଭିଡଓ ଭାଇରାଲ୍ କରି ଯୁବକ ଗିରଫ ଛେଣ୍ଡିପଦା – ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ଅଞ୍ଚଳର ଜଣେ ଯୁବକ ତାଙ୍କ ପ୍ରେମିକାର ଭିଡିଓ ଓ ଫଟୋ ଭାଇରାଲ୍ କରିବା ଅଭିଯୋଗରେ ଗିରଫ ହୋଇଛନ୍ତି ।…
କେନାଲରେ ଭାସୁଛି ମୃତଦେହ ଆଠମଲ୍ଲିକ – ଅନୁଗୁଳ ଜିଲ୍ଲା ଆଠମଲ୍ଲିକ ଥାନା ମାନଜୋର ଡ୍ୟାମର ପୂର୍ଵ ପାଖ ମୁଖ୍ୟ କେନାଲ ମଝିରେ ଶନିବାର ଜଣେ ଅଚିହ୍ନା ବ୍ୟକ୍ତିଙ୍କ ମୃତଦେହ ଭାସୁଥିବା ଦେଖିବାକୁ…
ବନ୍ଧା ହେଲେ ସମିତିସଭ୍ଯା – ଦେଶୀ ମଦ କାରବାର ଅଭିଯୋଗ ଅନୁଗୁଳ – ଅନୁଗୁଳ ଜିଲ୍ଲା ବାଗଡିଆ ଅଞ୍ଚଳରେ ଦେଶୀ ମଦ ରାନ୍ଧି ବିକ୍ରି କରୁଥିବା ଅପରାଧରେ ଗିରଫ ହେଲେ ସମିତିସଭ୍ଯା l ଗିରଫ ସମିତିସଭ୍ଯା ଜଣଙ୍କ ହେଲେ…