ଅନୁଗୁଳ – ଅନୁଗୁଳ ଜିଲା ନିଶା ଶିଳ୍ପାଞ୍ଚଳ ଥାନା ପିତାବଳି ଛକରେ ଆଜି (ମଙ୍ଗଳବାର ) ସ୍ପେସିଆଲ ସ୍କ୍ବାର୍ଡର  ଟିମ ଚଢାଉ କରି ବିପୁଳ ପରିମାଣର ବିଦେଶୀ ମଦ , ଚୋରା ଡିଜେଲ ଓ ଗୁଟଖା ଜବତ କରିଥିବା ସୂଚନା ମିଳିଛି । ସୂଚନା ଅନୁସାରେ ପିତାବଳୀ ଛକରେ ଥିବା ଏକ ରାସନ ଦୋକାନରେ ବିଦେଶୀ ମଦ , ଚୋରା ଡିଜେଲ ମିଳୁଥିବା ସୂଚନା ପାଇ ସ୍ପେସିଆଲ ସ୍କ୍ବାର୍ଡ  ଚଢାଉ କରିଥିଲା । ଚଢାଉ ବେଳେ ଉକ୍ତ ରାସନ ଦୋକାନ  ସମେତ ଏକ କେବିନ ଓ ଦୋକାନ ମାଲିକଙ୍କ ଘରୁ ୫୦ ପେଟିରୁ ଉର୍ଦ୍ଧ୍ବ ବିଦେଶୀ ମଦ ସହିତ ପ୍ରାୟ ୧୦୦୦ଲିଟରରୁ ଉର୍ଦ୍ଧ୍ବ ଚୋରା ଡିଜେଲ ଓ ବିପୁଳ ପରିମାଣର ଗୁଟଖା ଜବତ କରିଥିଲା । ଏହି ଚୋରା କାରବାରରେ ସଂପୃକ୍ତି ଥିବା ନେଇ ଦୁଇଜଣଙ୍କୁ ଅଟକ ରଖିବା ସହ ୩ ଟି ପିକଅପ ଭ୍ୟାନ ମଧ୍ୟ ଅଟକ ରଖିଛି ସ୍ପେସିଆଲ ସ୍କ୍ବାର୍ଡ  । ଖବର ଲେଖା ହେବା ସୁଦ୍ଧା ସ୍ପେଶାଲ ସ୍କ୍ବାର୍ଡର ଚଢାଉ ଜାରି ରହିଛି ।