ଅନୁଗୁଳ – ଆକ୍ସନ ମୁଡ଼ରେ ପ୍ରଶାସନ । ସହରର ବଜାର ଭିତରେ ଥିବା କିଛି ଦୋକାନ ବାରମ୍ବାର ତାଗିଦ କରିବା ସତ୍ୱେ ରାସ୍ତା ଉପରେ ଆବର୍ଜନା ପକାଇ ପରିବେଶ ଖରାପ କରୁଛନ୍ତି । ଏହା ସହ ସହରର ମଧ୍ୟସ୍ଥଳରେ ଗାଦି ଜମାଇ ବେପାର କରୁଥିବା ବେଳେ ଅନେକ ବର୍ଷ ହେଲା ହୋଲ୍ଡିଂ ଟାକ୍ସ ଦେଉ ନାହାନ୍ତି । ଏହା ସହ ଅନେକ ଦୋକାନ ଘରର ବିଲ୍ଡିଂ ଆପୃଭାଲ ନଥିବା ବେଳେ ଟ୍ରେଡ଼ ଲାଇସେନ୍ସ ମଧ୍ୟ ନାହିଁ । ଏହିସବୁରେ ଖିଲାପି କରୁଥିବା ଦୋକାନ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆରମ୍ଭ କରିଛି । ଆଜି ସହରର ଥିବା ଭି ୨ ନାମକ ଏକ ମଲ ଏବଂ କାଞ୍ଚନ ସାନିଟାରୀ ନାମକ ଏକ ଦୋକାନ ରାସ୍ତା ଉପରେ ଆବର୍ଜନା ପକାଉଥିବା ଖବର ପାଇ ମଲଟି ଡିସିପ୍ଲିନାରୀ ଟିମ ଚଢ଼ାଉ କରିଥିଲା । ତେବେ ଚଢ଼ାଉ ସମୟରେ ଉଭୟ ଦୋକାନର ଟ୍ରେଡ଼ ଲାଇସେନ୍ସ , ବିଲ୍ଡିଂ ଆପୃଭାଲ ଓ ହୋଲ୍ଡିଂ ଟାକ୍ସ ଦିଆ ଯାଇ ନଥିବା ଦେଖିବାକୁ ମିଳିଥିଲା । ଏଥିପାଇଁ ଉଭୟ ଦୋକାନକୁ ସିଲ କରିଦେବା ସହ ଶୀତଳ ପ୍ଲାଜାରେ ଥିବା ଏକ ମୋବାଇଲ ଦୋକାନକୁ ମଧ୍ୟ ସମାନ କାରଣ ପାଇଁ ସିଲ କରାଯାଇଛି ।