ମୁଖ୍ୟ ଖବର ସୁରକ୍ଷା ଦାବିରେ କଲେଜ ଛାତ୍ରଙ୍କ ଆନ୍ଦୋଳନ Angul OnlineOctober 18, 2022October 18, 2022 ତାଳଚେର – ଅନୁଗୁଳ ଜିଲ୍ଲା ତାଳଚେର ସ୍ୱୟଂ ଶାସିତ କଲେଜର ଛାତ୍ର ମାନେ ଆଜି ରାଜରାସ୍ତାରେ ବସିବା ସହ ସୁରକ୍ଷା ଦାବି କରିଛନ୍ତି। କଲେଜର ସୁରକ୍ଷା ବ୍ୟବସ୍ଥାରେ ଅବହେଳାକୁ ନେଇ ସେମାନେ ଅଭିଯୋଗ କରି ଏହି ଆନ୍ଦୋଳନ କରିଥିଲେ । ସେମାନଙ୍କ ଅଭିଯୋଗ ହେଲା ଯେ କଲେଜଟି ଜାତୀୟ ରାଜପଥ କଡ଼ରେ ଅବସ୍ଥିତ । ସେହି ଜାତୀୟ ରାଜପଥ ଦେଇ ଅନବରତ କୋଇଲା ବୋଝେଇ ଟ୍ରକ ସମେତ ବହୁ ଭାରିଯାନ ଚଳାଚଳ ହେଉଛି । ଯାହା ଫଳରେ ଅନେକ ସମୟରେ କଲେଜକୁ ଆସୁଥିବା ଛାତ୍ରଛାତ୍ରୀ ଦୁର୍ଘଟଣାର ଶିକାର ହେଉଛନ୍ତି । କଲେଜରୁ ସିଧାସଳଖ ବସଷ୍ଟାଣ୍ଡକୁ ଆଉ ଏକ ରାସ୍ତା ଥିବା ବେଳେ ସେହି ରାସ୍ତାର ଅବସ୍ଥା ଦୟନୀୟ ହୋଇ ପଡିଛି । ଏବଂ ସେହି ରାସ୍ତା ଦେଇ କଲେଜର ଥିବା ଫାଟକକୁ ଅଧ୍ୟକ୍ଷ ଖୋଲୁ ନାହାନ୍ତି । ଏହା ସହ କଲେଜରେ କୌଣସି ସୁରକ୍ଷା କର୍ମଚାରୀ ନଥିବାରୁ କଲେଜକୁ ଅଣଛାତ୍ରଙ୍କ ଅବାଧ ପ୍ରବେଶ ହେଉଛି । ଆଉ ସେହି ଅଣଛାତ୍ର ମାନେ ଛାତ୍ରୀ ମାନଙ୍କୁ ଅନେକ ସମୟରେ ଅଶ୍ଳୀଳ କମେଣ୍ଟ ମଧ୍ୟ କରୁଛନ୍ତି ବୋଲି ସେମାନେ ଅଭିଯୋଗ କରିଛନ୍ତି । ଏଣୁ ଏହାର ସମାଧାନ ଦାବି କରି ସେମାନେ ପୂର୍ବରୁ ଅଧ୍ୟକ୍ଷ ଏବଂ ପ୍ରଶାସନକୁ ଜଣାଇଥିଲେ । ତେବେ ସୁଫଳ ନ ମିଳିବାରୁ ବାଧ୍ୟ ହୋଇ ସେମାନେ ରାଜରାସ୍ତାକୁ ଓଲ୍ହାଇ ଥିଲେ । ଖବର ପାଇ ତାଳଚେର ଉପ ଜିଲ୍ଲାପାଳ ଏବଂ କଲେଜ ଅଧ୍ୟକ୍ଷ ପହଁଚି ବୁଝାସୁଝା କରିବା ପରେ ଛାତ୍ରମାନେ ଆନ୍ଦୋଳନରୁ ଓହରିଥିଲେ । Advertisement
ବ୍ୟାଙ୍କ ଭିତରୁ ଗ୍ରାହକଙ୍କ ଅଢେଇ ଲକ୍ଷ ଟଙ୍କା ଲୁଟି ନେଲା ଦୁର୍ବୃତ୍ତ ଅନୁଗୋଳ – ଅନୁଗୋଳ ଏସବିଆଇର ମୁଖ୍ୟ ଶାଖା ଭିତରୁ ଗ୍ରାହକଙ୍କ ଅଢେଇ ଲକ୍ଷ ଟଙ୍କା ଲୁଟି ନେଇଛି ଦୁର୍ବୃତ୍ତ । ସୂଚନା ଅନୁସାରେ ପୁରୀ ଅଞ୍ଚଳର ସ୍ନେହାଶିଷ…
ହାତୀ ଆକ୍ରମଣରେ ଚାଲିଗଲା ବୃଦ୍ଧଙ୍କ ଜୀବନ ଅନୁଗୁଳ – ଅନୁଗୁଳ ବନାଞ୍ଚଳ ପୁରୁଣାଗଡ଼ ସେକ୍ସନ ମଦନ ମହନ ପାଟଣାସାହିର ଶମ୍ଭୁନାଥ ପ୍ରଧାନ (୬୨) ଆଜି ସକାଳୁ ଛେଳି ପାଇଁ ଡାଳ ଆଣିବାକୁ ନିକଟସ୍ଥ ଜଙ୍ଗଲକୁ…
ନାନୀ-ଭଉଣୀ ଉପରେ ଚଢିଗଲା ହାଇୱା – ଜଣେ ମୃତ ଆଠମଲ୍ଲିକ – ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ଅନ୍ତର୍ଗତ ନଗଦିପୁର ଗ୍ରାମ ନିକଟରେ ସ୍କୁଟିରେ ଯାଉଥିବା ନାନୀ-ଭଉଣୀଙ୍କୁ ଏକ ହାଇୱା ଧକ୍କା ଦେବା ଫଳରେ ଜଣଙ୍କର ମୃତ୍ୟୁ…