ମୁଖ୍ୟ ଖବର ମଦ ପିଇଥିବା ମିଛ ଚାଲାଣ କଟିବା ନେଇ ଥାନାର ଦ୍ୱାରସ୍ଥ ହେଲେ ମହିଳା Angul OnlineNovember 10, 2022November 10, 2022 ଅନୁଗୁଳ – ମହିଳାଙ୍କ ନାମରେ ମଦ ପିଇ ଗାଡ଼ି ଚଲାଉଥିବା ନେଇ ପରିବହନ ବିଭାଗ ଚାଲାଣ ପଠାଇବା ପରେ ତାଙ୍କର ସମ୍ମାନହାନୀ ହୋଇଥିବା ନେଇ ଜଣେ ମହିଳା ଅନୁଗୁଳ ଥାନାରେ ଅଭିଯୋଗ କରିଛନ୍ତି । ତାଙ୍କୁ ଆସିଥିବା ଏକ ଇ ଚାଲାଣରେ ହେଲମେଟ , ଲାଇସେନ୍ସ ନଥିବା ସହ ମଦ ପିଇ ଗାଡି ଚଳାଉଥିବା ଯୋଗୁଁ ୮ ହଜାର ଟଙ୍କା ଜୋରିମନା ଦେବାକୁ ନିର୍ଦେଶ ଆସିବା ପରେ ମହିଳା ଜଣଙ୍କ ଥାନାର ଦ୍ୱାରସ୍ଥ ହୋଇଛନ୍ତି । ସେ ଓଁ ଶାନ୍ତି ସଂଗଠନ ସହ ଜଡିତ ଥିବା ବେଳେ ପିଆଜ ରସୁଣ ଖାଆନ୍ତି ନାହିଁ । ଏପରି ସ୍ଥଳେ ମଦ ପିଇ ଥିବାର ଅଭିଯୋଗ ଯୋଗୁଁ ତାଙ୍କ ସମ୍ମାନରେ ହାନୀ ପହଞ୍ଚିଛି ବୋଲି ସେ କହିଛନ୍ତି । ସୂଚନା ଅନୁସାରେ ଅନୁଗୁଳ ଥାନା ତୁରଙ୍ଗ ଅଞ୍ଚଳରେ ରହୁଥିବା ମିନା ଚୌଧୁରୀ ନାମଙ୍କ ମହିଳା ଗତ ୩ ତାରିଖ ଦିନ ଶିମିଳିପଡା ଛକ ନିକଟରେ ଯାଉଥିବା ସମୟରେ ଅନୁଗୁଳ ପରିବହନ ବିଭାଗ ତରଫରୁ ଗାଡି ଚେକିଂ ଚାଲିଥିଲା। ମହିଳା ଜଣଙ୍କ ହେଲମେଟ ପିନ୍ଧି ନଥିବାରୁ ପରିବହନ ବିଭାଗ କର୍ମଚାରୀ ମହିଳାଙ୍କୁ ଅଟକାଇ ଥିଲେ । ହେଲମେଟ ବାବଦକୁ ୧୦୦୦ ଟଙ୍କା ଚାଲାଣ କଟା ଯିବ ବୋଲି କହିଥିଲେ । ବାକି ତାଙ୍କର କାଗଜପତ୍ର ମାଗି ନଥିଲେ କି ବ୍ରେଥ ଆନାଲାଇଜର ଟେଷ୍ଟ ମଧ୍ୟ କରା ଯାଇ ନଥିଲା । ଆଉ ତାଙ୍କୁ ଘଟଣା ସ୍ଥଳରେ ଜୋରିମନା ଦେବାକୁ ପଡିବ ନାହିଁ ବୋଲି କହିବା ସହ ଇ ଚାଲାଣ ପଠାଯିବ ବୋଲି ପରିବହନ ବିଭାଗ କର୍ମଚାରୀ କହିଥିଲେ । ତେବେ ପରେ ମହିଳା ଜଣଙ୍କ ଘରକୁ ଆସି ଅନଲାଇନ ଚେକିଂ କରିବା ପରେ ଜଣା ପଡିଲା ଯେ ୮୦୦୦ ଟଙ୍କାର ଚାଲାଣ କଟିବା ସହ ୧୦୦ ମିଲିମିଟର ମଦ ପିଇ ଥିବା ଓ ବ୍ରେଥ ଆନାଲାଇଜର ଟେଷ୍ଟ କରା ଯାଇଛି ବୋଲି ଚାଲାଣ ଉଲେଖ ରହିଥିଲା । ଏହା ଦେଖି ମହିଳା ଜଣଙ୍କ ଆଶ୍ଚର୍ଯ୍ୟ ହୋଇ ଯାଇଥିଲେ । ତାଙ୍କର ବ୍ରେଥ ଆନାଲାଇଜର ଟେଷ୍ଟ ହୋଇ ନଥିବା ବେଳେ ସେ ମଦ ପିଇଥିବା ଦର୍ଶାଇବା ପରିବହନ ବିଭାଗର ପାରିବାପଣିଆ ଉପରେ ସେ ପ୍ରଶ୍ନ ଉଠାଇଥିଲେ । ପରିବହନ ବିଭାଗର ଏତାଦୃଶ୍ୟ କାର୍ଯ୍ୟ ଯୋଗୁଁ ତାଙ୍କ ସମ୍ମାନରେ ଆଞ୍ଚ ଆସିଛି ବୋଲି ସେ ଅଭିଯୋଗ କରିବା ସହ ଏଭଳି କ୍ଷେତ୍ରରେ ହୋଇଥିବା ତାଙ୍କ ମାନହାନି ପାଇଁ କିଏ ଦାୟି ରହିବ ବୋଲି ମହିଳା ଜଣଙ୍କ ବିଭାଗୀୟ ଅଧିକାରୀଙ୍କୁ ପ୍ରଶ୍ନ କରିଛନ୍ତି। Advertisement
ତାଳଚେର ମେଡିକାଲ୍ କଲେଜ ପବିତ୍ର ମୋହନଙ୍କ ନାମରେ ନାମିତ ହେବ ଭୁବନେଶ୍ୱର – ଓଡିଶା ପ୍ରଜାମଣ୍ଡଳ ଆନ୍ଦୋଳନର ଅଗ୍ରଗଣ୍ୟ ସାରଥି, ପୂର୍ବତନ ଉପମୁଖ୍ୟମନ୍ତ୍ରୀ ମହାନ ସଂଗ୍ରାମୀ ପବିତ୍ର ମୋହନ ପ୍ରଧାନ ସ୍ୱାଧିନତା ତଥା ସ୍ୱାଧିନତା ପରବର୍ତ୍ତୀ ସମୟରେ…
ବଡ଼ଦିନ ଓ ନୂଆବର୍ଷ ପୂର୍ବରୁ ନୂଆଁ ଗାଇଡ଼ଲାଇନ୍ ଅନୁଗୁଳ – ବଡ଼ଦିନ ଓ ନୂଆବର୍ଷ ପାଳନ ଉପରେ ଜିଲ୍ଲା ପ୍ରଶାସନ କଟକଣା ଜାରି କରିଛି । କୋଭିଡର ନୂଆଁ ଭାରିଏଣ୍ଟ ଓମିକ୍ରନକୁ ଦୃଷ୍ଟିରେ ରଖି ସ୍ୱତନ୍ତ୍ର…
ଯୁବକଙ୍କୁ ଗୋଡାଇ ଗୋଡାଇ ହାଣିଲେ – ପୂର୍ବ ଶତ୍ରୁତାରୁ ହତ୍ୟାକାଣ୍ଡ ଅନୁଗୁଳ – ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ପାତ୍ରପଡା ଗାଁରେ ବିଳମ୍ବିତ ରାତିରେ ଏକ ହତ୍ୟାକାଣ୍ଡ ଘଟି ଯାଇଛି । ପୂର୍ବ ଶତ୍ରୁତାରୁ ଗାଁର ଜଣେ ଯୁବକକୁ…