ତାଳଚେର – ଅନୁଗୁଳ ଜିଲ୍ଲା ତାଳଚେର ପୁଲିସ ଝୁଲନ୍ତା ଅବସ୍ଥାର ଯୁବକଙ୍କ ମୃତ ଦେହ ଉଦ୍ଧାର କରିଛି । ତାଳଚେର ବହ୍ଲର ଛକ ନିକଟସ୍ଥ ମନ୍ଦିର ସାମ୍ନା ନାଳ ନିକଟରୁ ଜଣେ ଯୁବକ ଝୁଲନ୍ତା ଅବସ୍ଥାରେ ନଜର ଆସିଥିଲା । ଖବର ପାଇ ତାଳଚେର ପୁଲିସ ଘଟଣା ସ୍ଥଳରେ ପହଁଚି ମୃତଦେହକୁ ଉଦ୍ଧାର୍ କରିବା ସହ ତଦନ୍ତ ଆରମ୍ଭ କରିଛି । ମୃତ ଯୁବକ ଜଣଙ୍କ ବନ୍ତଲା ଥାନା ଖାଲଗାଁର ଦୟାନିଧି ସାହୁ ବୋଲି ଜଣା ପଡ଼ିଛି ।ପରିବାର ଲୋକେ ଖବର ପାଇବା ପରେ ମୃତଦେହ ଚିହ୍ନଟ କରିବା ସହିତ ଏହା ଆତ୍ମହତ୍ୟା ନୁହଁ ବରଂ ହତ୍ୟା ବୋଲି ଅଭିଯୋଗ ଆଣିଛନ୍ତି । ପରିବାର ଲୋକଙ୍କ ଅଭିଯୋଗ ଅନୁଯାୟୀ ମୃତ ଯୁବକ ଜଣଙ୍କ ତାଳଚେର ବହ୍ଲର ଛକ ନିକଟସ୍ଥ ରାଜ୍ ହୋଟେଲରେ କାମ କରୁଥିଲେ । ମୋଟା ଅଙ୍କର ଦରମାରେ ସେ କାମ କରୁଥିବା ବେଳେ ହୋଟେଲ ମାଲିକ ଟଙ୍କା ନ ଦେବାରୁ ହୋଟେଲ ମାଲିକଙ୍କ ନାମରେ ସେ ଲେବର କେସ କରିଥିଲେ । ଆଉ ଏହି ରାଗରେ ହୋଟେଲ ମାଲିକ ଦୟାନିଧିଙ୍କୁ ଏପରି ହତ୍ୟା କରାଇ ଥିବା ଦୟାନିଧିଙ୍କ ପୁଅ ବିଭୂତି ସାହୁ ଏତଲାରେ ଉଲ୍ଲେଖ କରିଛନ୍ତି । ପୁଲିସ ମୃତଦେହକୁ ବ୍ୟବଚ୍ଛେଦ କରି ଅଭିଯୋଗ ଆଧାରରେ ତଦନ୍ତ କରୁଛି ।