ଅନୁଗୁଳ – ଅନୁଗୁଳର ଜଣାଶୁଣା ଡ଼ଃ ଲଷ୍ମୀ ଧର ସାହୁ ଙ୍କ ପରଲୋକ ହୋଇଛି । ଆଜି ସନ୍ଧ୍ୟା ସମୟରେ ହୃଦଘାତରେ ତାଙ୍କର ନିଧନ ହୋଇଯାଇଛି । ସେ ଜଣେ ଜଣା ଶୁଣା ସର୍ଜରୀ ବିଶେଷଜ୍ଞ ଭାବେ ଦୀର୍ଘ ବର୍ଷ ଧରି ଜିଲ୍ଲାରେ ବେଶ ସୁନାମ ଅର୍ଜନ କରିଥିଲେ । ଅନୁଗୁଳ ମୁଖ୍ୟଚିକିତ୍ସାଳୟରେ କାର୍ଯ୍ୟ କରିବା ସହ ଜେଲ ବିଭାଗରେ କିଛି ବର୍ଷ ଡାକ୍ତର ଭାବେ ସେବା ଦେଇଥିଲେ । କଟକ ସହର ରାଣୀହାଟର ମୂଳ ବାସିନ୍ଦା ଡ଼ଃ ସାହୁଙ୍କ ପିତା ମଧ୍ୟ ଜଣେ ସୁନାମ ଧନ୍ୟ ଡାକ୍ତର ଥିଲେ । ଜଣେ ଅତ୍ୟନ୍ତ ମେଳାପୀ, ଓ ଉତ୍ତମ ବ୍ୟବହାର ପାଇଁ ଡ଼ଃ ଲଷ୍ମୀଧର ସହରରେ ବେଶ ପରିଚିତ ଥିଲେ ।ତାଙ୍କ ବିୟୋଗରେ ସ୍ୱାସ୍ଥ୍ୟ ବିଭାଗ କର୍ମଚାରୀ ମଧ୍ୟରେ ଶୋକର ଛାୟା ଖେଳିଯାଇଛି ।