ଅନୁଗୁଳ – ଅନୁଗୁଳରେ ଆୟୋଜନ ହୋଇଛି ରାଜ୍ୟ ସ୍ଥରୀୟ ୭୦ ତମ ସିନିୟର କବାଡି ଚମ୍ପିୟାନସିପ । ରାଜ୍ୟ କବାଡି ଆସୋସିଏସନ ଓ ଅନୁଗୁଳ ଜିଲା ପ୍ରଶାସନର ମିଳିତ ସହଯୋଗରେ ଏହି ଏହି ଚମ୍ପିୟାନସିପର ଆୟୋଜନ କରାଯାଇଛି । ରାଜ୍ୟର ବିଭିନ୍ନ ଜିଲାର ୩୨ ଟି ପୁରୁଷ ଓ ୨୪ ଟି ମହିଳା ଦଳର ପ୍ରାୟ ୯୧୦ ଜଣ ଖେଳାଳି ଏହି ପ୍ରତିଯୋଗିତାରେ ଭାଗ ନେଇଛନ୍ତି । ଉଭୟ ଲିଗ ଓ ନକ ଆଉଟ ପର୍ଯ୍ୟାୟରେ ମ୍ୟାଚ ଖେଳାଯିବ । ଏଠାରେ ଭଲ ପଦର୍ଶନ କରୁଥିବା ଖେଳାଳିଙ୍କୁ ଚୟନ କରାଯାଇ ମହାରାଷ୍ଟ୍ରର ଦିବାଙ୍ଗି ଠାରେ ହେବାକୁ ଥିବା ଜାତୀୟ ପ୍ରତିଯୋଗିତା ପାଇଁ ପଠା ଯିବ । ଆଜି ଆରମ୍ବ ହୋଇଥିବା ଏହି ଚମ୍ପିୟାନସିପ ପୂର୍ବରୁ ଶୈଳଶ୍ରୀକ୍ଷେତ୍ର ଜଗନ୍ନାଥ ମନ୍ଦିରଠାରୁ ସାଂସ୍କୃତିକ ଦଳ ମାନଙ୍କୁ ନେଇ କବାଡି ଚମ୍ପିୟାନସିପର ରାଲି ବାହାରି ଥିଲା । ଏହା ପରେ ସେଣ୍ଟ୍ରାଲ ଲଜ ଛକ ଦେଇ, ବଜାର ଛକ , ରାଜା ଛକ, ଥାନା ଛକ ଦେଇ ବିଜୁ ମଇଦାନରେ ପହଞ୍ଚିଥିଲା । ରାଲି ଏଠାରେ ପହଁଚିବା ପରେ ଉଦଘାଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ତାଳଚେର ବିଧାୟକ ବ୍ରଜ କିଶୋର ପ୍ରଧାନ ଓ ଛେଣ୍ଡିପଦା ବିଧାୟକ ସୁଶାନ୍ତ କୁମାର ବେହେରା ଉଦଘାଟନ କରିଥିଲେ । ତିନିଦିନ ଚାଲିବ ଏହି ପ୍ରତିଯୋଗିତା ।