ଅନୁଗୁଳ – ଅନୁଗୁଳ ଜିଲ୍ଲାରେ ଆରମ୍ଭ ହେଲା ହାଇୱେ ପେଟ୍ରୋଲିଂ ଭ୍ୟାନ ସେବା । ରାଜରାସ୍ତାରେ ହେଉଥିବା ଦୁର୍ଘଟଣା ଜନିତ ମୃତ୍ୟୁକୁ କମାଇବା ଉଦ୍ଦେଶ୍ୟରେ ସାରା ରାଜ୍ୟରେ ୩୬ଟି ସ୍ଥାନରେ ଏହି ସେବା ଆରମ୍ଭ ହୋଇଛି । ଅନୁଗୁଳରେ ମଧ୍ୟ ଆଜି ସରକାରଙ୍କ ପକ୍ଷରୁ ଏହି ସେବାର ଆରମ୍ଭ କରାଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କାନଫେରେସିଂ ମାଧ୍ୟମରେ ହାଇୱେ ପେଟ୍ରୋଲିଂ ଭ୍ୟାନର ଉଦଘାଟନ କରିଛନ୍ତି । ଅନୁଗୁଳ ଏସପି କାର୍ଯ୍ୟାଳୟରେ ଏହି ଭ୍ୟାନ ଉଦଘାଟିତ ହୋଇଛି । ଏଥିପାଇଁ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଆୟୋଜନ କରାଯାଇଥିବାବେଳେ ଜିଲାପାଳ ସିଦ୍ଧାର୍ଥ ସ୍ବାଇଁ, ଏସ ପି ଜଗମୋହନ ମିନା ଓ ଜିଲାର ହାଇୱେ ଉପରେ ଥିବା ସମସ୍ତ ଥାନାର ଅଧିକାରୀମାନେ ଉପସ୍ଥିତ ଥିଲେ । ପ୍ରଥମ ପର୍ଯ୍ୟାୟରେ ଜିଲ୍ଲାକୁ ଗୋଟିଏ ଭ୍ୟାନ ମିଳିଥିବାବେଳେ ଏହା ଅନୁଗୁଳ ଥାନା ଠାରୁ ଜରପଡା ଥାନା ମଧ୍ୟରେ କାର୍ଯ୍ୟ କରିବ ଓ ଏଥିପାଇଁ ସ୍ପେଶାଲ ପୋଲିସ ଅଫିସର ନିୟୋଜିତ ହେବେ ବୋଲି ଅନୁଗୁଳ ଏସ ପି ଜଗମୋହନ ମିନା ସୂଚନା ଦେଇଛନ୍ତି ।