ଅନୁଗୋଳ – ଆମ୍ବ ଖାଇବାକୁ ଆସି ଫସିଗଲା ହାତୀ । ଗୋଡ଼ ଫସି ଯିବାରୁ ଦୁଇ ଗଛ ମଝିରୁ ବାହାରି ପାରିଲା ନାହିଁ । ଦୀର୍ଘ ୫ ଘଣ୍ଟା ପରେ ବନ ବିଭାଗ ପ୍ରଚେଷ୍ଟା ପରେ ହାତୀ ଉଦ୍ଧାର ହୋଇଛି । ସୂଚନା ଅନୁଯାୟୀ ଅନୁଗୋଳ ବନଖଣ୍ଡ କରତପଟା ସେକ୍ସନ ଅନ୍ତର୍ଗତ ବୃତ୍ତି ଗ୍ରାମ ନିକଟରେ ଥିବା ଆମ୍ବ ବଗିଚାରେ ଆଜି ରାତି ପ୍ରାୟ ୪ଟା ବେଳକୁ ଏକ ମାଈ ହାତୀ (୧୫-୨୦ ବର୍ଷ) ଆମ୍ବ ଖାଇବାକୁ ଯାଇଥିଲା ବେଳେ ଆମ୍ବ ଗଛ ମଧ୍ୟରେ ତାର ଗୋଟିଏ ଗୋଡ଼ ଫସି ଯାଇଥିଲା । ଘଟଣା ସମ୍ପର୍କରେ ସକାଳେ ଜଣା ପଡିବା ପରେ ସ୍ଥାନୀୟ ଲୋକମାନେ ବନ ବିଭାଗକୁ ଖବର ଦେଇଥିଲେ । ବନ ବିଭାଗର କର୍ମଚାରୀମାନେ ସେଠାରେ ପହଞ୍ଚି ଜେସିବି ମେସିନ ସାହାଯ୍ୟରେ ଗଛକୁ ଟାଣି ହାତୀକୁ ସେଠାରୁ ଉଦ୍ଧାର କରିଥିଲେ । ତେବେ ସେ ଆହତ ହୋଇଥିବାରୁ ତାର ଚିକିତ୍ସା କରାଯାଇଛି । ହାତୀକୁ ପେନ କିଲର ଏବଂ ଭିଟାମିନ ଦିଆ ଯାଇଛି । ଏହା ସହ ଏବେ ମଧ୍ୟ ହାତୀ ଉପରେ ବନ ବିଭାଗ ନଜର ରଖିଛି । ହାତୀଟି ସମ୍ପୂର୍ଣ୍ଣ ସୁସ୍ଥ ହେବା ଯାଏ ନଜର ରଖାଯିବ ବୋଲି ବନ ବିଭାଗ ଅଧିକାରୀ କହିଛନ୍ତି ।