ତାଳଚେର – ତାଳଚେର ଡେରା ପାଣିହାଟିଙ୍ଗ ନିକଟରେ ଯୁବକଙ୍କୁ ପଥରରେ ଛେଚି ହତ୍ୟା ପରେ ରେଳ ଧାରଣା କଡ଼ରେ ଥିବା ଡ୍ରେନକୁ କେହି ଦୁର୍ବୃତ୍ତ ଫିଙ୍ଗି ଦେଇଥିବା ଅଭିଯୋଗ ଆଣିଛନ୍ତି ପରିବାର ଲୋକ । ମୃତ ଯୁବକ ଜଣଙ୍କ ହେଲେ ଡେରା ପାଣି ହାଟିଙ୍ଗ ଅଞ୍ଚଳର ସନ୍ତୋଷ ଗିରି । ତବେ ସେ ଗତ ସୋମବାର ଠାରୁ ନିଖୋଜ ଥିବା ବେଳେ ଆଜି ତାଙ୍କ ମା କୋଇଲା ପାଇଁ ଯିବା ବେଳେ ତାଙ୍କ ଚପଲ ରେଳ ଧାରଣା ଉପରେ ପଡିଥିବା ଦେଖି ସନ୍ଦେହ କରିଥିଲେ । ଏଣେ ତେଣେ ଦେଖିବା ବେଳେ ତାଙ୍କ ପୁଅର ମୃତ ଦେହ ରେଳ ଲାଇନ କଡ଼ରେ ଥିବା ଡ୍ରେନରେ ପଡି ଥିବା ଦେଖିବାକୁ ପାଇଥିଲେ । ଘଟଣା ସ୍ଥଳରେ ଏକ ରକ୍ତ ଲାଗିଥିବା ପଥର ପଡିଥିବା ବେଳେ ସେହି ସ୍ଥାନର ବିଭିନ୍ନ ସ୍ଥାନରେ ରକ୍ତ ପଡିଥିବା ଦେଖିବାକୁ ମିଳିଥିଲା । ତେବେ କିଛି ଦୁର୍ବୃତ୍ତ ତାଙ୍କୁ ପଥରରେ ଛେଚି ହତ୍ୟା କରିବା ପରେ ରେଳ ଧାରଣା ପାଖରେ ଥିବା ଡ୍ରେନକୁ ଫିଙ୍ଗି ଦେଇଥିବା ସନ୍ଦେହ କରାଯାଉଛି । ଘଟଣା ସ୍ଥଳରେ କୋଲିୟାରୀ ପୋଲିସ ଅଧିକ ତଦନ୍ତ ଜାରି ରଖିଛି ।