ଅନୁଗୋଳ – ଅନୁଗୋଳ ଜିଲ୍ଲାର ଯୁବ ସାମ୍ବାଦିକ ରଘୁନାଥ ସାହୁଙ୍କ ମୃତ୍ୟୁର ଦ୍ୱିତୀୟ ଶ୍ରାଦ୍ଧ ବାର୍ଷିକୀ ଉପଲକ୍ଷେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି । ଜିଲ୍ଲା ମୁଖ୍ୟ ଚିକିତ୍ସାଳୟର ରକ୍ତ ଭଣ୍ଡାରରେ ଆୟୋଜିତ ଏହି ରକ୍ତଦାନ ଶିବିରରେ ଜିଲ୍ଲା ମୁଖ୍ୟ ଚିକିତ୍ସାଳୟର ମେଡ଼ିସିନ ସ୍ପେଶାଳିସ୍ଟ ଡାକ୍ତର କୁମାର ସୌମ୍ୟକାନ୍ତ ବିଶୋଇ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଯୁବ ସାମ୍ବାଦିକ ରଘୁନାଥ ଜଣେ ପରୋପକାରୀ ଏବଂ ନିଷ୍ଠାପର ସାମ୍ବାଦିକ ଥିଲେ । ତାଙ୍କ ମୃତ୍ୟୁ ପରେ ତାଙ୍କ ସ୍ମୃତି ଉଦ୍ୟେଶରେ ଏଭଳି ରକ୍ତଦାନ ଶିବିର ଆୟୋଜନକୁ ମୁଖ୍ୟ ଅତିଥି ସାଧୁବାଦ ଦେଇଥିଲେ । ଆଜିର ଏହି ରକ୍ତଦାନ ଶିବିରରୁ ମଲତ ୪୦ ୟୁନିଟ ରକ୍ତ ସଂଗ୍ରହ ହୋଇଥିଲା । ଆଜିର ଏହି ରକ୍ତଦାନ ଶିବିରକୁ ମହେଶ ଭୋମରାଜ , ପର୍ଶୁରାମ ଦାସ , ଆଦ୍ୟଶ୍ଳୋକ ମିଶ୍ର , ବାପୁଜୀ ପ୍ରଧାନ , ଦେବ ରଞ୍ଜନ ସାମଲ , ସୁଶାନ୍ତ ସେଠି , ଜୟନ୍ତ କର ଆଦି ସହଯୋଗ କରିଥିଲେ ।