ତାଳଚେର – ଦିନିକିଆ ତାଳଚେର ଗସ୍ତରେ ଆସିଛନ୍ତି ଓଡିଶା ସରକାରଙ୍କର ମହିଳା ଶିଶୁବିକାଶ ଓ ମିଶନ ଶକ୍ତି ମନ୍ତ୍ରୀ ବାସନ୍ତୀ ହେମ୍ବ୍ରମ ।ଏହି ପରିପ୍ରେକ୍ଷୀରେ ତାଳଚେର ଠାରେ ନୂତନ ଭାବେ ନିର୍ମିତ ହୋଇଥିବା ମିଶନ ଶକ୍ତି ଗୃହକୁ ଉଦଘାଟନ କରିଛନ୍ତି । ପରେ ତାଳଚେର ଦେଉଳବେଡା ଠାରେ ହୋଇଥିବା ଏକ ସାଧାରଣ ସଭାରେ ଯୋଗ ଦେଇ ମିଶନ ଶକ୍ତି ଦ୍ୱାରା ମହିଳା ମାନେ କିପରି ଅଧିକରୁ ଅଧିକ ସ୍ୱାବଲମ୍ବୀ ହୋଇପାରିବେ ସେଥିପାଇଁ ମାନ୍ୟବର ମୁଖ୍ୟମନ୍ତ୍ରୀ ସଦା ସର୍ବଦା ତତ୍ପର ରହିଛନ୍ତି ବୋଲି କହିବା ସହ ତାଳଚେର ଅଞ୍ଚଳରେ ରହିଥିବା ସମସ୍ତ ମିଶନ ଶକ୍ତିର ମା ମାନେ କିଭଳି ଆଗାମୀ ଦିନରେ ଆଗକୁ ବଢ଼ିପାରିବେ ସେ ନେଇ ବିଭିନ୍ନ ଯୋଜନା ହାତକୁ ନିଆଯିବାକୁ ଲକ୍ଷ୍ୟ ରଖାଯାଇଛି । ଏହି କାର୍ଯ୍ୟକ୍ରମରେ ଢେଙ୍କାନାଳ ସାଂସଦଙ୍କ ସମେତ ତାଳଚେର ବିଧାୟକ ଓ ମିଶନ ଶକ୍ତିର ବହୁ ମହିଳା ଉପସ୍ଥିତ ଥିଲେ । ପରେ କଣିହାଁ ଠାରେ ଥିବା ଏକ ନୂତନ ମିଶନ ଶକ୍ତି ଗୃହର ଉଦଘାଟନ କରିଥିଲେ ।