ସରପଞ୍ଚ ଉପ ନିର୍ବାଚନରେ ଜ୍ୟୋତିରଞ୍ଜନ ଓ ଝରଣା ବିଜୟୀ

ଅନୁଗୁଳ – ଅନୁଗୁଳ  ଜିଲ୍ଲାରେ ଆଜି (ଶୁକ୍ରବାର ) ଦୁଇଟି ପଞ୍ଚାୟତରେ ସରପଞ୍ଚ ପଦ ପାଇଁ ଉପ ନିର୍ବାଚନ ଶେଷ ହୋଇଛି । ଏହି ନିର୍ବାଚନରେ ଗୋଟିଏରେ ବିଜେପି ସମର୍ଥିତ ପ୍ରାର୍ଥୀ ବିଜୟୀ ହୋଇଥିବା ବେଳେ ଅନ୍ୟଟିରେ ବିଜେଡି ସମର୍ଥିତ ପ୍ରାର୍ଥୀ  ବିଜୟୀ ହୋଇଛନ୍ତି । ଜିଲ୍ଲର ଅନୁଗୁଳ ବ୍ଲକ ଛେଳିଆପଡ଼ା ପଞ୍ଚାୟତ ଓ ବଅଁରପାଳ ବ୍ଲକର ବେଣାଗାଡ଼ିଆ ପଞ୍ଚାୟତ ପାଇଁ ସରପଞ୍ଚ ଉପ-ନିର୍ବାଚନ ହୋଇଥିଲା ।  ଗତ କାଲି ମତଦାନ ପ୍ରକ୍ରିୟା ସରିଥିବା ବେଳେ ଆଜି ଉଭୟ ବ୍ଲକରେ ଭୋଟ ଗଣତି କରାଯାଇଥିଲା । ଛେଳିଆପଡା ପଞ୍ଚାୟତ ପାଇଁ ବିଜେପି ସମର୍ଥିତ ପ୍ରାର୍ଥୀ ବିଜେଡି ସମର୍ଥିତ ପ୍ରାର୍ଥୀଙ୍କ ଠାରୁ  ୧୨୮ ଖଣ୍ଡ ଅଧିକ ଭୋଟ ପାଇଁ ବିଜୟୀ ହୋଇଛନ୍ତି । ସେହିପରି ବେଣାଗାଡିଆ ପଞ୍ଚାୟତ ପାଇଁ  ବିଜେଡି  ସମର୍ଥିତ ଜ୍ୟୋତିରଞ୍ଜନ ନାଏକ ବିଜେପି ସମର୍ଥିତ  ପ୍ରାର୍ଥୀଙ୍କ ଠାରୁ ୬୮୯ ଖଣ୍ଡ ଅଧିକ ଭୋଟ ପାଇଁ ବିଜୟୀ ହୋଇଛନ୍ତି ।

Advertisement