ଅନୁଗୁଳ – ପବିତ୍ର ଶୁକ୍ଳ ଦ୍ଵିତୀୟା ତିଥିରେ ଶ୍ରୀଜୀଉ ମାନଙ୍କର ପଦ୍ମମୁଖ ବେଶ ଅନୁଗୁଳ ସ୍ଥିତ ଶୈଳଶ୍ରୀକ୍ଷେତ୍ରରେ ଅନୁଷ୍ଠିତ ହୋଇଯାଇଛି । ଏହି ପବିତ୍ର ବେଶ ଦର୍ଶନ ନିମନ୍ତେ ସନ୍ଧ୍ୟା ସମୟରେ ଶତାଧିକ ଶ୍ରଦ୍ଧାଳୁଙ୍କ ଭିଡ଼ ଦେଖିବାକୁ ମିଳିଥିଲା । ଠିକ ସେହି ଅବସରରେ ଢେଙ୍କାନାଳ ସାଂସଦ ମହେଶ ସାହୁ , ପୂର୍ବତନ ନଗରପାଳ ତଥା ସାଂସଦଙ୍କ ଅନଗୁଳ ପ୍ରତିନିଧି ଭକ୍ତି ପ୍ରସାଦ ଦାସ , ସାଂସଦଙ୍କ ବ୍ୟକ୍ତିଗତ ସଚିବ ପଣ୍ଡିତ ମାତୃ ପ୍ରସାଦ ମିଶ୍ର , ଅନୁଗୁଳ ବ୍ଲକ ଉପସଭାପତି ମମତା ପ୍ରଧାନ ପ୍ରମୁଖ ଶ୍ରୀ ଜୀଉଙ୍କ ପଦ୍ମ ମୁଖ ଦର୍ଶନ କରିଥିଲେ । ଏହା ସହ ମନ୍ଦିର ପରିଚାଳନା ସମିତିର ସମ୍ପାଦକ ହେମନ୍ତ କୁମାର ଦାଶଙ୍କ ସହିତ ମନ୍ଦିରର ସୁ ପରିଚାଳନା ଓ ବିଭିନ୍ନ ବିକାଶ ଜନିତ କାର୍ଯ୍ୟର ଦିଗରେ ଆଲୋଚନା କରିଥିଲେ । ମନ୍ଦିର ପରିଚାଳନା କମିଟି ତରଫରୁ ସାଂସଦଙ୍କୁ ଶ୍ରୀଜୀଉଙ୍କ ଖଣ୍ଡୁଆ ପାଟ ଦେଇ ସମ୍ବର୍ଦ୍ଧିତ କରାଯାଇଥିଲା ।
Advertisement
